ରାଷ୍ଟ୍ରପତି ଭବନରେ ଓଡ଼ିଶାର ତିନି ଷ୍ଟାର୍ଟଅପ୍ : ଛତୁରୁ ଆଧୁନିକ ଚମଡ଼ା ଉତ୍ପାଦ ସମ୍ଭବ

ଭୁବନେଶ୍ବର,//TATKAL ODISHA //

ଛତୁରୁ ଏଣିକି ଆଧୁନିକ-ଚମଡ଼ା ବିକଶିତ ସମ୍ଭବ ହୋଇଛି I ତାହା ପଶୁ ଚମଡ଼ାର ବିକଳ୍ପ ହୋଇଛିI
ଆର୍ବାନ-ହାଇଫି ବାୟୋସାଇନ୍ସ ପକ୍ଷରୁ କୃଷି ବର୍ଜ୍ୟବସ୍ତୁକୁ ବ୍ୟବହାର କରି ପରିବେଶ ଅନୁକୂଳ ସାମଗ୍ରୀ ପ୍ରସ୍ତୁତ କରାଯାଉଛି।
ଓଡ଼ିଶାର ଷ୍ଟାର୍ଟଅପ୍ ଇକୋସିଷ୍ଟମ ପାଇଁ ଏକ ଗୌରବମୟ ମୁହୂର୍ତ୍ତ l ‘ଷ୍ଟାର୍ଟଅପ୍ ଓଡ଼ିଶା’ ସହ‌ଯୋଗରେ ଆଗକୁ ବଢ଼ୁଥ‌ିବା ତିନିଟି ଷ୍ଟାର୍ଟଅପ୍ ଶୁକ୍ରବାର ଦିନ ନୂଆଦିଲ୍ଲୀର ରାଷ୍ଟ୍ରପତି ଭବନର କଲଚରାଲ ସେଣ୍ଟରଠାରେ ଆୟୋଜିତ ଏକ ସ୍ବତନ୍ତ୍ର ପ୍ରଦର୍ଶନୀରେ ଭାଗନେଇ ନିଜର ଅଭିନବ ଉତ୍ପାଦ ପ୍ରଦର୍ଶନ କରିଛନ୍ତି I

ଏହି ସୁଯୋଗ ପାଇଥିବା ଉଦ୍ୟୋଗଗୁଡ଼ିକ ମଧ୍ୟରେ ରହିଛି ଗାର୍ଗୀ ଅଟୋମେଟେଡ୍ ଆଣ୍ଡ୍ ରୋବୋଟିକ୍ ଗ୍ୟାଜେଟ୍ ଇଣ୍ଡଷ୍ଟ୍ରିଜ୍ ପ୍ରାଇଭେଟ୍ ଲିମିଟେଡ, ନ୍ୟୁରୁପ୍ ଟେକ୍ ସଲ୍ୟୁସନ୍ସ ଏବଂ ଆର୍ବାନ୍-ହାଇପି ନ୍-ହାଇଫି ବାୟୋସାଇନ୍ସ l ଏହି ନବସୃଜନ ଅଧାରିତ ଷ୍ଟାର୍ଟଅପ୍ ଉଦ୍ୟୋଗର ପ୍ରତିଷ୍ଠାତାମାନେ ଭାରତର ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କ ସମ୍ମୁଖରେ ନିଜ ନିଜର ଉତ୍ପାଦ ଉପସ୍ଥାପନ କରିବାର ସୁଯୋଗ ପାଇଥିଲେ । ‘ଅଟଳ ଇନୋଭେସନ ମିଶନ’ ଅଧୀନରେ ଦେଶର ବିଭିନ୍ନ ସ୍ଥାନରୁ ଚୟନ ହୋଇ ଆସିଥିବା ତୃଣମୂଳ ସ୍ତରର ଏହି ଯୁବ ଉଦ୍ୟୋଗୀମାନଙ୍କ ମଧ୍ୟରେ ଓଡ଼ିଶାର ତିନି ଉଦ୍ୟୋଗୀ ସାମିଲ ହୋଇଥିଲେ I

ଭାରତର ‘“ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ମାର୍ଗଦର୍ଶନରେ ଭାରତ ଏକ ବିକଶିତ ଓ ଦୃଢ଼ ଅର୍ଥନୀତି ଭାବେ ଗଢ଼ି ଉଠୁଛି I ସେହିପରି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ନେତୃତ୍ବରେ ଓଡ଼ିଶା ପାଲଟିଛି ନବସୃଜନର କେନ୍ଦ୍ର । ତେଣୁ, ଜାତୀୟ ସ୍ତରରେ ଓଡ଼ିଶାର ଷ୍ଟାର୍ଟଅପ୍‌ଗୁଡ଼ିକୁ ମିଳିଥିବା ଏହି ସ୍ବୀକୃତି କେବଳ ସେମାନଙ୍କର ବ୍ୟକ୍ତିଗତ ସଫଳତା ନୁହେଁ, ବରଂ ଭାରତୀୟ ଷ୍ଟାର୍ଟଅପ୍ ଇକୋସିଷ୍ଟମରେ ଓଡ଼ିଶାର ଏକ ସ୍ବତନ୍ତ୍ର ପରିଚୟକୁ ଦର୍ଶାଉଛି,”l ଏକଥା ରାଜ୍ୟର ଯୁବ ଉଦ୍ୟୋଗୀମାନଙ୍କୁ ଅଭିନନ୍ଦନ ଜଣାଇବା ଅବସରରେ କହିଛନ୍ତି ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ତଥା ମତ୍ସ୍ୟ ଓ ପ୍ରାଣିସମ୍ପଦ ବିକାଶ ବିଭାଗର ମନ୍ତ୍ରୀ ଗୋକୁଳାନନ୍ଦ ମଲ୍ଲିକ l

‘“ରାଜ୍ୟର ଯୁବ ଉଦ୍ୟୋଗୀ ତଥା ନବସୃଜନକାରୀଙ୍କ ଭିତରେ ଥ‌ିବା ଅନନ୍ୟ ପ୍ରତିଭାକୁ ବିକଶିତ କରିବାରେ ‘ଓଡ଼ିଶା ଷ୍ଟାର୍ଟଅପ୍ ନୀତି’ ଏକ ପ୍ରମୁଖ ଭୂମିକା ଗ୍ରହଣ କରୁଛି। ଫଳରେ ଓଡ଼ିଶାର ଷ୍ଟାର୍ଟଅପ୍‌ମାନେ ଲଗାତାର ଜାତୀୟ ସ୍ତରରେ ସଫଳତା ହାସଲ କରିବା ସହ ରାଜ୍ୟ ପାଇଁ ଗୌରବ ଆଣୁଛନ୍ତି,” ଏକଥା କହିଛନ୍ତି ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗର କମିଶନର ତଥା ଶାସନ ସଚିବ ରଶ୍ମିତା ପଣ୍ଡା I

ଯୁବ ଓ ମହିଳା ଉଦ୍ୟୋଗୀମାନଙ୍କ ସୃଜନଶୀଳ ଚିନ୍ତାଧାରାକୁ ଆଗକୁ ନେବା ପାଇଁ ଓଡ଼ିଶା ଏକ ସଶକ୍ତ ଷ୍ଟାର୍ଟଅପ୍ ଇକୋସିଷ୍ଟମ ଗଢ଼ି ତୋଳୁଛି। ଅଭିନବ ଉଦ୍ୟୋଗ ପ୍ରତିଷ୍ଠା ପାଇଁ ଯୁବ ଉଦ୍ୟୋଗୀଙ୍କ ଉତ୍ସାହ ଓ ଅତ୍ମବିଶ୍ବାସ ସୃଷ୍ଟି କରିବାକୁ ଯାଇ ‘ଷ୍ଟାର୍ଟଅପ୍ ଓଡ଼ିଶା’ ମାଧ୍ଯମରେ ଆର୍ଥିକ ସହାୟତା ଓ ବିବି ପ୍ରୋତ୍ସାହନ ଯୋଗାଇ ଦିଆଯାଉଛି,” ବୋଲି କହିଛନ୍ତି ଷ୍ଟାର୍ଟଅପ୍ ଓଡ଼ିଶା ସିଇଓ ସ୍ମୃତିରଞ୍ଜନ ପ୍ରଧାନ I

ଶୀତଲ ଜିମାନିଙ୍କ ଦ୍ବାରା ପ୍ରତିଷ୍ଠିତ ଗାର୍ଗୀ ଅଟୋମେଟେଡ୍ ଆଣ୍ଡ୍ ରୋବୋଟିକ୍ ଗ୍ୟାଜେଟ୍ ଇଣ୍ଡଷ୍ଟ୍ରିଜ୍ ପ୍ରାଇଭେଟ୍ ଲିମିଟେଡ ପକ୍ଷରୁ ଭିନ୍ନକ୍ଷମଙ୍କ ପାଇଁ ଅତ୍ୟାଧୁନିକ ଅଟୋମେଟେଟିକ ଏବଂ ରୋବୋଟିକ୍ ଉପକରଣ ବିକାଶ କରାଯାଉଛି। ଏହି ଷ୍ଟାର୍ଟଅପ୍ ସ୍ବୟଂଚାଳିତ ଟ୍ରାନ୍ସଫର୍ମର, ବେଡ୍-ଚେୟାର ଓ ଏକ୍ସୋସ୍କେଲେଟନ୍ ଭଳି ଆଧୁନିକ ଉତ୍ପାଦ ପ୍ରସ୍ତୁତ କରୁଛି।

ଅନୁପ ପାଇକରାୟଙ୍କ ଦ୍ବାରା ସ୍ଥାପିତ ଓଡ଼ିଶାର ଷ୍ଟାର୍ଟଅପ୍ ନ୍ୟୁରୁପ୍ ଟେକ୍ ସଲ୍ୟୁସନ୍ସ ପକ୍ଷରୁ ପ୍ରସ୍ତୁତ ଉତ୍ପାଦ ‘ଚୁଲିଭ୍’ ପାରମ୍ପରିକ ରେ ରୋଷେଇ ବ୍ୟବସ୍ଥାକୁ ଏକ ଆଧୁନିକ ରୂପ ଦେଇଛି। ଏହା ବାୟୁ ପ୍ରଦୂଷଣକୁ ନିୟନ୍ତ୍ରଣ କରିବା ସହ ସ୍ବାସ୍ଥ୍ୟକର ପରିବେଶ ଓ ଇନ୍ଧନ ସଞ୍ଚୟକାରୀ ରୋଷେଇ ପ୍ରଣାଳୀକୁ ପ୍ରୋତ୍ସାହିତ କରୁଛି।

ସେହିପରି ଅଧୂରାଜ ମହାପାତ୍ରଙ୍କ ଦ୍ବାରା ପ୍ରତିଷ୍ଠିତ ଆର୍ବାନ-ହାଇଫି ବାୟୋସାଇନ୍ସ ପକ୍ଷରୁ କୃଷି ବର୍ଜ୍ୟବସ୍ତୁକୁ ବ୍ୟବହାର କରି ପରିବେଶ ଅନୁକୂଳ ସାମଗ୍ରୀ ପ୍ରସ୍ତୁତ କରାଯାଉଛି। ଏହି ଷ୍ଟାର୍ଟଅପ ଛତୁରୁ ଆଧୁନିକ-ଚମଡ଼ା ବିକଶିତ କରି ଆଜି ବଜାର ପାଇଁ ପଶୁ ଚମଡ଼ାରଏକ ବିକଳ୍ପ ରୂପ ଦେଇଛିI

ରାଜ୍ୟରେ ଷ୍ଟାର୍ଟଅପ୍ ଇକୋସିଷ୍ଟମକୁ ଆହୁରି ସୁଦୃଢ଼ କରିବା, ଉଦ୍ୟୋଗୀମାନଙ୍କୁ ସହାୟତା ଓ ପ୍ରୋତ୍ସାହନ ବିଶ୍ବସ୍ତରରେ ପହଞ୍ଚାଇବା ପାଇଁ ‘ଷ୍ଟାର୍ଟଅପ୍ ଓଡ଼ିଶା’ ନିରନ୍ତର । ଏହି ଷ୍ଟାର୍ଟଅପଗୁଡ଼ିକର ସଫଳତା ରାଜ୍ୟର ଯୁବ ଉଦ୍ୟୋଗୀ ପ୍ରଦାନ କରିବା ସହ ସେମାନଙ୍କ ଉଦ୍ଭାବନକୁ ପ୍ରୟାସ କରୁଛି। ତେଣୁ, ଜାତୀୟ ସ୍ତରରେ ପ୍ରଦର୍ଶିତ ଏହି ଷ୍ଟାର୍ଟଅଫ ନବସୃଜନକାରୀଙ୍କ ଭିତରେ ନିଶ୍ଚିତ ଭାବେ ଆଗାମୀ ଦିନରେ ନୂଆ ଉତ୍ସାହ ସୃଷ୍ଟି କରିବ।