‘ନିରପେକ୍ଷ ଓ ନିର୍ଭୀକ ହିଁ ସାମ୍ବାଦିକତାର ମୂଳମନ୍ତ୍ର’

• ସବୁ ମହାବିଦ୍ୟାଳୟ ସମାବେଶୀ ହୋଇପାରିଛି : ମନ୍ତ୍ରୀ

• ସମୟ’ର ୨୯ ବର୍ଷ ପୂର୍ତ୍ତି ଉତ୍ସବ

ଭୁବନେଶ୍ୱର,//TATKAL ODISHA//

”ତଥ୍ୟରୁ ତତ୍ତ୍ୱ I ତଥ୍ୟକୁ ନେଇ ସାମ୍ବାଦିକତା, ନିରପେକ୍ଷତା, ନିର୍ଭିକତା ଓ ମାନବିକତା I ସେହିପରି ଭିଜନ ଓ ମିଶନ ସ୍ପଷ୍ଟ ହେଲେ ହିଁ କାର୍ଯ୍ୟର ସଫଳତା ମିଳିଥାଏ I ଏହାର ବଡ଼ ଉଦାହରଣ ହେଉଛନ୍ତି ଭୀମ ଭୋଇ I ବିନା କଲେଜ ଓ ବିଶ୍ୱବିଦ୍ୟାଳୟରେ ପାଠ ନ ପଢ଼ି ବି ସେ ବିଶ୍ୱ ଚେତନା ସୃଷ୍ଟି କରିପରିବାର ସଫଳ ହୋଇଥିଲେ I‘

   ଗୁରୁବାର ଭବନେଶ୍ବର ଜୟଦେବ ଭବନରେ ଆୟୋଜିତ ହୋଇଛି ‘ସମୟ’ର ୨୯ ବର୍ଷ ପୂର୍ତ୍ତି ଉତ୍ସବରେ ମୁଖ୍ୟବକ୍ତା ଭାବେ ଯୋଗଦେଇ ଏହା କହିଛନ୍ତି ଫକୀରମୋହନ ବିଶ୍ବବିଦ୍ୟାଳୟର ପୂର୍ବତନ କୂଳପତି ପ୍ରଫେସର କୁମରବର ଦାସ Iଶ୍ରୀ କହିଛନ୍ତି ଯେ, ନିଶା ଓ ପେଶାକୁ ଯିଏ ମିଳିତ କରିପାରିଛି ସେ ସଫଳ ହୋଇ ପାରିଛି I ଡିଗ୍ରୀ ଭିତରେ ଜ୍ଞାନ ସୀମିତ ନୁହେଁ I ନିରପେକ୍ଷ ଓ ନିର୍ଭୀକ ହିଁ ସାମ୍ବାଦିକତାର ମୂଳମନ୍ତ୍ର I ହେଲେ ବର୍ତମାନ ଭାରତରେ ସାମ୍ବାଦିକତା ବିପଦରେ ରହିଛି I ପ୍ରତ୍ୟେକ ଦିନ ଦେଶରେ ତିନି ଜଣ ସାମ୍ବାଦିକ ହତ୍ୟାରେ ଶିକାର ହେଉଛନ୍ତି I ଏହା ସତ୍ୱେ ବି ସାମ୍ବାଦିକତା ବଂଚିଛି, ବଂଚିଥିବ I ସମୟ ଦୀର୍ଘ ପଥ ଅତିକ୍ରମ କରି ବେଶ ସଫଳ ହୋଇଛି ବୋଲି ସେ କହିଛନ୍ତି I

ଉଚ୍ଚଶିକ୍ଷା, କ୍ରୀଡ଼ା ଓ ଯୁବ ବ୍ୟାପାର, ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ ମୁଖ୍ୟ ଅତିଥି ଭାବେ ଏହି ଉତ୍ସବକୁ ଉଦଘାଟନ କରିଛନ୍ତି I ସେ କହିଛନ୍ତି ଯେ, ଯେଉଁ ଉଦେଶ୍ୟ ନେଇ ବସନ୍ତ କୁମାର ବିଶ୍ୱାଳ ସମୟ ପ୍ରତିଷ୍ଠା କରିଥିଲେ, ତାହା ଆଜି ସଫଳ I ସେ ନବ ଉତ୍କଳର ପ୍ରକୃତ ସାରଥୀ I ମୋ ପିତା ପ୍ରଥମେ ସାମ୍ବାଦିକ ଓ ପରେ ରାଜନୀତିଜ୍ଞ ହୋଇଥିଲେ I

ମନ୍ତ୍ରୀ କହିଛନ୍ତି ଯେ, ସାହିତ୍ୟ ଓ ସାମ୍ବାଦିକତା ଭିତରେ ସେତେଟା କିଛି ଫରକ ନାହିଁ I ଭାଷାର ସୁରକ୍ଷା ପାଇଁ ଗଣମାଧ୍ୟମର ଭୂମିକା ବି ସର୍ବାଗ୍ରେ ରହିଛି I ତେଣୁ ସାମ୍ବାଦିକତା ଗୋଟିଏ ବୃତ୍ତି ନୁହେଁ, ବିଚାର ଓ ଧର୍ମ I ସରକାର ଓ ଲୋକଙ୍କ ଭିତରେ ଗଣମାଧ୍ୟମ ପ୍ରକୃତ ସେତୁ I ସାମ୍ବାଦିକଙ୍କୁ ଯେତେ ଧନ୍ୟବାଦ ଦେଲେ ବି କମ ହେବ I

“ଏହି ଅବସରରେ ହାଇଟେକ, ଆପୋଲୋ ହସ୍ପିଟାଲ ସହ ନର୍ସିଙ୍ଗ କଲେଜକୁ ସମ୍ମାନିତ କରଯାଇଛି”

ପ୍ରାରମ୍ଭରେ ସମୟର ମୁଖ୍ୟ ସମ୍ପାଦକ ଗୁରୁକଲ୍ୟାଣ ମହାପାତ୍ର ସ୍ୱାଗତ ଭାଷଣ ଦେଇଥିଲେ I ସମୟର ପରିଚାଳନା ସମ୍ପାଦକ, ପୂର୍ବତନ ଆଇପିଏଲ ଅଧ୍ୟକ୍ଷ ତଥା ପୂର୍ବତନ ସାଂସଦ ରଞ୍ଜୀବ ବିଶ୍ୱାଳ କହିଛନ୍ତି ଯେ, ଅନେକ ଘାତ ପ୍ରତିଘାତ ଭିତରେ ଗତି କରି ସମୟ ଅନେକାଂଶରେ ସଫଳ I ନିଜର ସ୍ୱତନ୍ତ୍ର ପରିଚୟ ନିଜେ ସୃଷ୍ଟି କରିପାରିଛି ସମୟ I ଏହି ସଂସ୍ଥା କାହାକୁ କେବେ ବ୍ୟକ୍ତିଗତ ଆକ୍ଷେପ କରିନାହିଁ I କେବଳ ଜନହିତକର କାର୍ଯ୍ୟକୁ ସର୍ବଦା ଗୁରୁତ୍ୱ ଦେଇ ଆସିଛି I ଆଗକୁ ଏଇ ପ୍ରକ୍ରିୟା ଜାରି ରହିବ ବୋଲି ସେ ପ୍ରକାଶ କରିଛନ୍ତି I

  ସ୍ବାଭିମାନର ମୁଖ୍ୟ କାର୍ଯ୍ୟନିବାହୀ ଅଧିକାରୀ ଡ. ଶ୍ରୁତି ମହାପାତ୍ର ସମ୍ମାନିତ ଅତିଥି ଭାବେ ଯୋଗ ଦେଇ କହିଛନ୍ତି ଯେ, ମୁଁ ଯେତେବେଳେ ପ୍ରଶାସନିକ ସେବା ଚାକିରୀ ପାଇ ବି ଦିବ୍ୟାଙ୍ଗ ହୋଇ ଯାଇଥିଲି I ସେଥିପାଇଁ ଚାକିରୀ ହରାଇ ଥିଲି I କାରଣ ସେତେବେଳେ ଦିବ୍ୟାଙ୍ଗ ପାଇଁ କିଛି ନିୟମ ନ ଥିଲା I ହେଲେ ଗଣମାଧ୍ୟମ ଯୋଗୁଁ ଦିବ୍ୟାଙ୍ଗ ପାଇଁ ୫ଟି ଆଇନ ଆସି ପାରିଛି I ସରକାରୀ ସୁବିଧା ମିଳିଛି I ଗଣମାଧ୍ୟମର ଭୂମିକା ଅନନ୍ୟ ବୋଲି ସେ ପ୍ରକାଶ କରିଛନ୍ତି I

ଓଟିଭିର ପଶ୍ଚିମ ଓଡିଶା ମୁଖ୍ୟ ମନୋରଞନ ଯୋଶୀ ସମ୍ମାନିତ ଅତିଥି ଭାବେ ଯୋଗଦାନ କରି କହିଛନ୍ତି ଯେ, ସମୟ କେତେବେଳେ କଣ କରିବ, କେହି କହିହେବନି I ସମୟ ସବୁବେଳେ ବଳବାନ I ମୁଁ ସମୟରୁ କ୍ୟାରିଅର ଆରମ୍ଭ କରିଥିଲି I ପରେ ମୋ ଜୀବନର ଗତିପଥ ବଦଳି ଗଲା I ମୁଁ ପଶ୍ଚିମ ଓଡ଼ିଶାରେ ବୈଦ୍ୟୁତିକ ଗଣମାଧ୍ୟମକୁ ଯାଇ କ୍ୟାରିଅର କଲି I ତାହା ହିଁ ସମୟର ଖେଳ ବୋଲି ସେ କହିଛନ୍ତି I