ଶୁଭା ଶର୍ମାଙ୍କ ରଚିତ ଉପନ୍ୟାସ ‘ମିସେସ୍ ହାପିଲି ସିଙ୍ଗଲ୍’
1 min read
- ଶନିବାର ହେବ ଉନ୍ମୋଚିତ
ଭୁବନେଶ୍ୱର,//TATKAL ODISHA//
ଭାରତୀୟ ପ୍ରଶାସନିକ ସେବାର ବରିଷ୍ଠ ଅଧିକାରୀ ତଥା ଲେଖିକା ଶୁଭା ଶର୍ମାଙ୍କ ନାରୀ ସଂଘର୍ଷ ଓ ଅସ୍ମିତା ଉପରେ ଆଧାରିତ ଉପନ୍ୟାସ ‘ମିସେସ୍ ହାପିଲି ସିଙ୍ଗଲ୍’ ଆସନ୍ତାକାଲି ୧୮ତାରିଖରେ ଉନ୍ମୋଚିତ ହେବ ।
ସ୍ଥାନୀୟ ଗୀତଗୋବିନ୍ଦ ସଦନଠାରେ ଆୟୋଜିତ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ପ୍ରସିଦ୍ଧ ଲେଖକ ତଥା ଅବସରପ୍ରାପ୍ତ ଭାରତୀୟ ପ୍ରଶାସନିକ ସେବା ଅଧିକାରୀ ଟି. କେ. ମିଶ୍ର, ‘ଧରିତ୍ରୀ’ ଏବଂ ‘ଓଡ଼ିଶା ପୋଷ୍ଟ’ର ମୁଖ୍ୟ କାର୍ଯ୍ୟନିର୍ବାହୀ ଆଦ୍ୟାଶା ସତପଥୀ, ପ୍ରସିଦ୍ଧ ଲେଖକ ସତ୍ୟ ମିଶ୍ର, ଓଡ଼ିଶା ସାହିତ୍ୟ ଏକାଡେମୀର ସଚିବ ସି.ଏସ୍. ହୋତା ପ୍ରମୁଖ ଅତିଥି ଭାବେ ଯୋଗଦେଇ ଏହି ପୁସ୍ତକକୁ ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି । ଏହି ଅବସରରେ ଅତିଥିମାନଙ୍କ ଦ୍ଵାରା ପୁସ୍ତକଟି ଉପରେ ବିସ୍ତୃତ ଆଲୋଚନା କରାଯିବ ।
ପୂର୍ବରୁ ଶ୍ରୀମତୀ ଶର୍ମାଙ୍କର ‘ଫ୍ଲାଏ ଅନ୍ ଦି ୱାକ ଆଣ୍ଡ ଅଦର ଷ୍ଟୋରିଜ୍’ (୨୦୧୩) ଏବଂ ‘ଦି ଅୱସ୍ଥିସ୍ ଅଫ୍ ଆମ୍ନଗରୀ’ ଶୀର୍ଷକ ଦୁଇଟି ପୁସ୍ତକ ବିପୁଳ ପାଠକୀୟ ଆଦୃତି ହାସଲ କରିପାରିଛି । ଏହା ବ୍ୟତୀତ ସାହିତ୍ୟ ଏକାଡେମୀ ପକ୍ଷରୁ ତାଙ୍କର ଅନେକ ହିନ୍ଦୀ କବିତା ପ୍ରକାଶ ପାଇଛି ।
ଲକ୍ଷ୍ନୌରେ ଜନ୍ମିତ ଶ୍ରୀମତୀ ଶର୍ମା ଲେଡ଼ି ଶ୍ରୀରାମ କଲେଜ ଓ ଜବାହରଲାଲ ବିଶ୍ୱବିଦ୍ୟାଳୟରୁ ଶିକ୍ଷା ଲାଭ ପରେ ଭାରତୀୟ ପ୍ରଶାସନିକ ସେବାରେ ଯୋଗଦେଇଥିଲେ ମଧ୍ୟ ଉଭୟ ବୃତ୍ତି ଓ ପ୍ରବୃତ୍ତିକୁ ଗୁରୁତ୍ୱ ଦେଇ ନିଜର ସୃଜନ ଯାତ୍ରା ଜାରି ରଖିଛନ୍ତି । ତାଙ୍କର ପ୍ରଭାବୀ ଏବଂ ହୃଦୟସ୍ପର୍ଶୀ ଲେଖାରେ ସରଳ ଭାଷାବିନ୍ୟାସ ଓ ଉପସ୍ଥାପନା ଶୈଳୀ ଦେଖିବାକୁ ମିଳିଥାଏ ।
