- *****
- କାଠ
- *****
ମଣିଷ ମରିଗଲେ
ପାଲଟି ଯାଏ ଶବ
ଆଉ ଗଛ ପାଲଟିଯାଏ କାଠ !
ବଞ୍ଚି ଥିବା ବେଳେ ସେ
କେତେ ଅମ୍ଲଜାନ ଦେଇଛି,
ଫୁଲଫଳ ଦେଇଛି,
ଛାଇ ଦେଇଛି,
ବା କେତେ ଆଶ୍ରୟ ଦେଇଛି,
ତା’ର ହିସାବ କ’ଣ କେ ରଖେ
ସେ କାଠ ହେବା ପରେ ?
ବଂର ଦେଖେ,
କେତେ ମୋଟେଇ ଗଣ୍ଡି ରୁ
କେତେ ସିଫ୍ଟ ପଟା ବାହାରିବ
କେତେ କବାଟ ହେବ,ଝରକା ହେବ
ଆସବାବପତ୍ର ହେବ
କେତେ ରୋଷେଇ ରେ
ସହାୟକ ହେବ !
ତୀକ୍ଷ୍ଣ ଧାରୁଆ କରତ ବା କୁରାଢୀ
ଛାତି କୁ ତା ବିଦୀର୍ଣ୍ଣ
କରିପକାଉଥିବା ବେଳେ
ସେ ସହେ ଯନ୍ତ୍ରଣା ଓ ଆଘାତ କୁ
ଦାନ୍ତ ଚିପି,ବିନା ପ୍ରତିରୋଧ ରେ।
ଆଉ ପ୍ରତିଶୋଧ ନିଏ
କେବେ ଠାକୁର ହୋଇ
ତା ପାଦ ତଳେ ମଣିଷର ମୁଣ୍ଡକୁ ନୁଆଁଇ
ଅବା ତାକୁ ଜାଳି ପୋଡି ପାଉଁଶ କରି।
- ସନ୍ତୋଷ କୁମାର ସେଠୀ,
- ପୁରୀ, ମୋ -୯୪୩୭୩୦୨୬୧୮
