* କଟକ-ଭୁବନେଶ୍ୱର ସହ ଜିଲ୍ଲା ଅଫିସ ପାଇଁ ନିୟମ ଲାଗୁ
* ସାଧାରଣ ପ୍ରଶାସନ ବିଭାଗ ପାଖରୁ ନିର୍ଦେଶନାମା ପ୍ରକାଶ
ଭୁବନେଶ୍ୱର //ତତ୍କାଳ ଓଡିଶା //
କରୋନାର ଦ୍ଵିତୀୟ ଲହର ଆହୁରି ଭୟାନକ ହେବାରେ ଲାଗିଛି I ସଂକ୍ରମଣ ପୁଣିଥରେ ବୃଦ୍ଧି ପାଇବା ଯୋଗୁଁ ରାଜ୍ୟ ସରକାର ସବୁ ସରକାରୀ ଅଫିସରେ ସାଧାରଣ ଲୋକଙ୍କ ପ୍ରବେଶ ଉପରେ ରୋକ ଲଗାଇଛନ୍ତି । ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶ ପାଇଛି ବିଜ୍ଞପ୍ତି I ଜାରି ହୋଇଥିବା ନିର୍ଦ୍ଦେଶନାମାରେ କେବଳ କଟକ ଓ ଭୁବନେଶ୍ୱରରେ ଥିବା ରାଜ୍ୟ ସ୍ତରୀୟ ଅଫିସ ନୁହେଁ, ଜିଲ୍ଲା ସ୍ତର ଅଫିସରେ କୋଭିଡ୍ କଟକଣା ଲାଗୁ ହେବ I
ଦେଖନ୍ତୁ.. କଣ ରହିବ କଟକଣା?
1. ସରକାରୀ ଅଫିସରେ ସାଧାରଣ ଲୋକଙ୍କୁ ପ୍ରବେଶ ପାଇଁ ଅନୁମତି ମିଳିବ ନାହିଁ ।
2. କେବଳ ଅତ୍ୟନ୍ତ ଜରୁରୀ କାମରେ ଉଚ୍ଚକତୃପକ୍ଷଙ୍କ ଅନୁମତି କ୍ରମେ ସରକାରୀ ଅଫିସକୁ ଯିବା ପାଇଁ ଅନୁମତି ମିଳିବ।
3. ସାଧାରଣ ଲୋକଙ୍କ ଆପତ୍ତି ଅଭିଯୋଗ ପାଇଁ ସେମାନେ ଇ- ଅଭିଯୋଗ ପୋର୍ଟାଲକୁ ଉପଯୋଗ କରିପାରିବେ।
4. ଅଫିସଗୁଡ଼ିକରେ କୌଣସି ବୈଠକବେଳେ ସର୍ବନିମ୍ନ ୨ ମିଟର ଦୂରଦ ବଜାୟ ରବକୁ ନିର୍ଦ୍ଦେଶ ଦିଆଯାଇଛି ।
5. ଅନଲାଇନରେ ବୈଠକ କରିବା ଉପରେ ଗୁରୁତ୍ୱ ଦେବାକୁ ପରାମର୍ଶ ଦିଆଯାଇଛି ।
