ଚେନ୍ନାଇ: ଦ୍ୱିତୀୟ ଟେଷ୍ଟର ଦ୍ୱିତୀୟ ଦିବସ ଶେଷ ସୁବିଧାଜନକ ସ୍ଥିତିରେ ରହିଛି ଭାରତ । ଇଂଲଣ୍ଡ ବିପକ୍ଷରେ ଭାରତ ୨୪୯ ରନର ଅଗ୍ରଣୀ ହାସଲ କରିଛି I
ଦ୍ୱିତୀୟ ଇନିଂସରେ ଷ୍ଟମ୍ପ୍ସ ଅପସାରଣ ବେଳକୁ ଭାରତ ଗୋଟିଏ ଉଇକେଟ ହରାଇ ୫୪ ରନ ସଂଗ୍ରହ କରିନେଇଛି । ରୋହିତ ଶର୍ମା ୨୫ ଓ ଚେତେଶ୍ୱର ପୂଜାରା ୭ରନ କରି ଅପରାଜିତ ଅଛନ୍ତି । ଶୁଭମନ ଗିଲ ୧୪ ରନ କରି ପ୍ୟାଭିଲିୟନ ଫେରିଯାଇଛନ୍ତି ।
ଭାରତର ପ୍ରଥମ ଇନିଂସ ସ୍କୋର ୩୨୯ ରନ ଜବାବରେ ଭ୍ରମଣକାରୀ ଦଳ ୧୩୪ ରନ କରି ଅଲଆଉଟ ହୋଇ ଯାଇଥିଲା । ରବିଚନ୍ଦ୍ରନ ଅଶ୍ୱିନ ୫ଟି ଏବଂ ଈଶାନ୍ତ ଶର୍ମା ଓ ଅକ୍ଷର ପଟେଲ ୨ଟି ଲେଖାଁଏ ଉଇକେଟ ଅକ୍ତିଆର କରିଛନ୍ତି ।
