ଚେନ୍ନାଇ, ଭୁବନେଶ୍ୱର//TATKAL ODISHA//
ଖଲ୍ଲିକୋଟ ରାଣୀ ତଥା ପୂର୍ବତନ ବିଧାୟିକା ଭି. ସୁଜ୍ଞାନ କୁମାରୀ ଦେଓ ଆଉ ଇହ ଜଗତରେ ନାହାନ୍ତି I ସେ ଚେନ୍ନାଇରେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପରଲୋକ ଗମନ କରିଛନ୍ତି I
ଶୁକ୍ରବାର ତାଙ୍କୁ ଦେଖିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚେନ୍ନାଇ ଗସ୍ତ କରିଥିଲେ I
ଖଲ୍ଲିକୋଟ ରାଣୀ 10 ଥର ବିଧାନସଭାକୁ ବିଧାୟିକା ଭାବେ ନିର୍ବାଚିତ ହୋଇଥିଲେ I ଲୋକସେବାକୁ ସେ ସର୍ବୋପରି ମନେକରି ଜୀବନ ତମାମ ଖଲ୍ଲିକୋଟ ଓ ରାଜ୍ୟବାସୀଙ୍କ ପାଇଁ ସେବାକରି ଥିଲେ l 1977ରେ ତାଙ୍କୁ ମନ୍ତ୍ରୀ ହେବା ପାଇଁ କୁହାଯାଇଥିଲେ ମଧ୍ୟ ସେ ଏଥିପାଇଁ ରାଜି ହୋଇନଥିଲେ ଓ ଲୋକସେବାକୁ ନିଜର ବ୍ରତ ବୋଲି ମାନି ନେଇଥିଲେ l ସେ ଜଣେ ଉଚ୍ଚସ୍ତରୀୟ ରାଜନେତା ଓ ବିଧାୟିକା ଭାବରେ ଲୋକପ୍ରିୟତା ହାସଲ କରିଥିଲେ l ସେ ରାଜନୀତି ବ୍ୟତୀତ ସମାଜସେବା ଓ କୃଷି କାର୍ଯ୍ୟର ଉନ୍ନତି ପାଇଁ କାର୍ଯ୍ୟ କରିଥିଲେ l ତାଙ୍କର ମୃତ୍ୟୁ ରାଜ୍ୟ ରାଜନୀତି ପାଇଁ ଏକ ଅପୂରଣୀୟ କ୍ଷତି l
ଏହି ଦୁଃଖଦ ମୁହୂର୍ତ୍ତରେ ଓଡ଼ିଶାର ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଛତିଶଗଡ଼ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଶୋକ ପ୍ରକାଶ କରିଛନ୍ତି I ତାଙ୍କର ଅମର ଆତ୍ମାର ସଦ୍ଗତିଃ କାମନା କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କୁ ସେମାନେ ସମବେଦନା ଜଣାଇଛନ୍ତି l
