- ଜଗନ୍ନାଥ ଏଜୁକେସନାଲ ଫାଉଣ୍ଡେସନ ଡିଗ୍ରୀ କଲେଜରେ ନୂଆ ଓ କାର୍ଯ୍ୟକ୍ରମ ଉଦଯାପିତ
- ଛାତ୍ରଛାତ୍ରୀଙ୍କ ଦକ୍ଷତା ବିକାଶରେ ନୂଆ-ଓ କାର୍ଯ୍ୟକ୍ରମ ପ୍ରମୁଖ ଭୂମିକା ଗ୍ରହଣ କରିଛି:ଶାନ୍ତା ଦାସ
ବାଲେଶ୍ୱର,//TATKAL ODISHA//
ଜଗନ୍ନାଥ ଏଜୁକେସନାଲ ଫାଉଣ୍ଡେସନ ଡିଗ୍ରୀ କଲେଜରେ ନୂଆ ଓ କାର୍ଯ୍ୟକ୍ରମ ଆଜି ଉଦଯାପିତ ହୋଇଯାଇଛି I ଉଦଯାପନୀ ଉତ୍ସବରେ ସମାଜସେବୀ ତଥା ସ୍ଥାନୀୟ ଅଞ୍ଚଳର ନାରୀନେତ୍ରୀ ଶ୍ରୀମତୀ ଶାନ୍ତା ଦାସ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କୁ ଉଦବୋଧନ ଦେବାସହ ଜୀବନରେ ପାଠ ପଢା ସହିତ କ୍ରୀଡ଼ା, ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମର ଉପାଦେୟତା ବିଷୟରେ ନିଜର ମତ ରଖିଥିଲେ I
ରାଜ୍ୟ ପ୍ରଗତି ପଥରେ ଅଗ୍ରସର ହେଉଛି I ମୁଖ୍ୟମନ୍ତ୍ରୀଙ୍କ ଦିଗଦର୍ଶନରେ ଯେଉଁ ବିକାଶମୂଳକ କାର୍ଯ୍ୟକ୍ରମ ହେଉଛି ତାହାକୁ ଆଜିର ଯୁବପିଢ଼ି ଦ୍ରୁତତର କରିପାରିବେ ବୋଲି ସେ କହିଥିଲେ I
ଉତ୍ସବରେ ଅନ୍ୟମାନଙ୍କ ମଧ୍ୟରେ ଜ୍ଞାନ ଚାନ୍ଦ, ମହାବିଦ୍ୟାଳୟର ଅଧକ୍ଷ ଏବଂ ଅନ୍ୟ ଅତିଥି ମାନେ ଯୋଗଦେଇ ଛାତ୍ରଛାତ୍ରୀଙ୍କ ମଧ୍ୟରେ ଥିବା ପ୍ରତିଭାକୁ ପ୍ରଶଂସା କରିବା ସହିତ ଜୀବନରେ ଲକ୍ଷ୍ୟ ସାଧନ ପାଇଁ କଠିନ ପରିଶ୍ରମ ପାଇଁ କହିଥିଲେ I
ଏଠାରେ ସୂଚନାଯୋଗ୍ୟଯେ ରାଜ୍ୟସରକାରଙ୍କ ପକ୍ଷରୁ ମହାବିଦ୍ୟାଳୟ ଚାଲିଥିବା ନୂଆ ଓ କାର୍ଯ୍ୟକ୍ରମରେ କ୍ରୀଡ଼ା, ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଥିଲା I
