- ଜ୍ୟୋତି ବସୁଙ୍କୁ ଟପିଲେ, ରାମଲିଙ୍ଗଙ୍କୁ ଟପିବେ
ଭୁବନେଶ୍ୱର//TATKAL ODISHA//:
ପଶ୍ଚିମବଙ୍ଗ ଦିବଂଗତ ମୁଖ୍ୟମନ୍ତ୍ରୀ ଜ୍ୟୋତି ବସୁଙ୍କୁ ଅତିକ୍ରମ କରି ଦ୍ୱିତୀୟ ଦୀର୍ଘତମ ଅବଧିର ମୁଖ୍ୟମନ୍ତ୍ରୀ ଭାବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦେଶରେ ବିରଳ ରେକର୍ଡ କରିଛନ୍ତି I ହେଲେ ସିକିମର ପୂର୍ବତନ ମୁଖ୍ୟମନ୍ତ୍ରୀ ପୱନ କୁମାର ଚାମଲିଙ୍ଗ ଏବେ ବି ପ୍ରଥମ ସ୍ଥାନରେ ରହିଛି I ତାଙ୍କୁ ଟପିଲେ ସେ ବିଶ୍ୱ ରେକର୍ଡ କରିବେ I
ସୂଚନାନୁସାରେ ସିକିମର ପୂର୍ବତନ ମୁଖ୍ୟମନ୍ତ୍ରୀ ପୱନ କୁମାର ଚାମଲିଙ୍ଗ ୧୯୯୪ ଡିସେମ୍ବର ୧୨ରୁ ୨୦୧୯ ମେ ୨୭ ତାରିଖ ପର୍ଯ୍ୟନ୍ତ ୨୪ ବର୍ଷ ୧୬୬ ଦିନ ଅବଧିର ଦେଶରେ ସର୍ବାଧିକ ମୁଖ୍ୟମନ୍ତ୍ରୀ ଭାବେ ଆସୀନ ଥିବାବେଳେ ପଶ୍ଚିମବଙ୍ଗର ସିପିଏମ୍ ନେତା ଜ୍ୟୋତି ବସୁ ୧୯୭୭ରୁ ୨୦୦୦ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ଥିଲେ ।ତାଙ୍କର କାର୍ଯ୍ୟକାଳ ଅବଧି ୨୩ ବର୍ଷ ୧୩୮ ଦିନ I
ଅନ୍ୟପକ୍ଷରେ ଶନିବାର ସୁଦ୍ଧା ମୁଖ୍ୟମନ୍ତ୍ରୀ ପଦରେ ନବୀନ ପଟ୍ଟନାୟକଙ୍କ କାର୍ଯ୍ୟକାଳର ଅବଧି ୨୩ ବର୍ଷ ୧୩୮ ଦିନ ହୋଇଛି ।୫ ମେ ୨୦୦୦ରୁ ବର୍ତ୍ତମାନ ସୁଦ୍ଧା ଶ୍ରୀ ପଟ୍ଟନାୟକ ମୁଖ୍ୟମନ୍ତ୍ରୀ ଭାବେ କାର୍ଯ୍ୟ ସମ୍ଭାଳୁଛନ୍ତି I ସେ ଜ୍ୟୋତି ବସୁଙ୍କ ରେକର୍ଡ ଭାଙ୍ଗି ଥିଲାବେଳେ ଆଉ କିଛି ଦିନ ମାସ ପରେ ରାମଲିଙ୍ଗଙ୍କ ରେକର୍ଡ ଭଙ୍ଗ କରିବେ ବୋଲି ଆକଳନ କରାଯାଇଛି I
