- ସ୍ୱାଧୀନ ପ୍ରାର୍ଥୀ ଭାବେ ଭରିଲେ ନାମାଙ୍କନ
ଭଦ୍ରକ,//TATKAL ODISHA//
ଧାମନଗର ଉପନିର୍ବାଚନ ପାଇଁ ବିଜେଡି ଟିକେଟରୁ ବଞ୍ଚିତ ହୋଇଥିବା ରାଜେନ୍ଦ୍ର ଦାସ ସ୍ୱାଧୀନ ପ୍ରାର୍ଥୀ ଭାବେ ଭଦ୍ରକ ଉପଜିଲ୍ଲାପାଳଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରିଛନ୍ତି । ଏହି ସମୟରେ ଶତାଧିକ ସମର୍ଥକଙ୍କ ତାଙ୍କ ସହ ଚାଲି ଚାଲି ଯାଇ ଯାଇଥିଲେ I
ରାଜେନ୍ଦ୍ର ଦାସ ଗତ ନିର୍ବାଚନରେ ଦିବଂଗତ ବିଷ୍ଣୁ ଚରଣ ସେଠୀଙ୍କ ଠାରୁ ପାଞ୍ଚ ହଜାରରୁ କମ ଭୋଟରେ ହାରି ଯାଇଥିଲେ I ତେଣୁ ଟିକେଟ ଦାବିଦାରଙ୍କ ଭିତରେ ସେ ଥିଲେ ସର୍ବାଗ୍ରେ I ମାତ୍ର ଦଳର ଅନ୍ୟ ଦୁଇ ଗୋଷ୍ଠୀ ତାଙ୍କୁ ବିରୋଧ କରିବାରୁ ବିଜେଡି କର୍ତ୍ତୃପକ୍ଷ ଅବନ୍ତୀ ଦାସଙ୍କୁ ଦଳୀୟ ପାର୍ଥୀ କରିଥିଲେ I ମୁହଁରେ ଅସନ୍ତୁଷ୍ଟ ଭାବ ବାରି ହେଉଥିଲେ ହେଁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିଷ୍ପତ୍ତିକୁ ବିରୋଧ ନ କରି ଅବନ୍ତୀଙ୍କ ପ୍ରାର୍ଥୀତ୍ୱକୁ ସମର୍ଥନ ଘୋଷଣା କରିଥିଲେ ।
ତେବେ ଧାମନଗରରେ ତାଙ୍କ ସମର୍ଥକଙ୍କ ପରାମର୍ଶ କ୍ରମେ ରାଜେନ୍ଦ୍ର ସ୍ୱାଧୀନ ପ୍ରାର୍ଥୀ ଭାବେ ଛିଡ଼ା ହୋଇଛନ୍ତି I ଫଳରେ ବିଜେଡି ନେତାଙ୍କ ଚିନ୍ତା ବଢ଼ି ଯାଇଛି I
