ଓଡ଼ିଶାରେ ବିଜେପି ଗଢ଼ିବ ସରକାର: ଶାହା
- ହାଇଦ୍ରାବାଦ//TATKAL ODISHA//
‘ଓଡ଼ିଶାରେ ବିଜେପି ସରକାର ଗଢ଼ିବ।କେବଳ ଓଡ଼ିଶା ନୁହେଁ ତେଲେଙ୍ଗାନା, ଆନ୍ଧ୍ରପ୍ରଦେଶ, ତାମିଲନାଡୁ ଓ କେରଳରେ ବି ବିଜେପି ସରକାର କରିବ I’
ସୋମବାର ହାଇଦ୍ରାବାଦରେ ଭାରତୀୟ ଜନତା ପାର୍ଟିର ଜାତୀୟ କାର୍ଯ୍ୟକାରିଣୀରେ କେନ୍ଦ୍ର ଗୃହମନ୍ତ୍ରୀ ତଥା ବିଜେପିର ଷ୍ଟାଟେଜିଷ୍ଟ ଅମିତ ଶାହ ଏଭଳି ଦୃଢ଼କ୍ତି ପ୍ରକାଶ କରିଛନ୍ତି I ଶାହା କହିଛନ୍ତି ଯେ, ଆଗାମୀ ୩୦-୪୦ ବର୍ଷ ପାଇଁ ବିଜେପି ଯୁଗ ରହିବ।ଦକ୍ଷିଣ ଭାରତ ହେଉଛି ବିଜେପିର ଏକ ନୂଆ କ୍ଷେତ୍ର I
ପଶ୍ଚିମବଙ୍ଗ, ତେଲେଙ୍ଗାନା ଭଳି ରାଜ୍ୟରେ ପାରିବାରିକ ରାଜନୀତିରୁ ସ୍ୱାଧୀନତା ମିଳିବ I ଦଳର ମୁଖ୍ୟ ଏଜେଣ୍ଡା, ବଂଶବାଦ ଓ ତୁଷ୍ଟିକରଣର ରାଜନୀତିକୁ ଶେଷ କରିବାକୁ ହେବ I
ନିକଟରେ ହୋଇଥିବା ବିଧାନସଭା ଓ ଉପ-ନିର୍ବାଚନରେ ଦଳର ବିଜୟ ବିଜେପି ବିକାଶର ରାଜନୀତି କରୁଥିବାର ପ୍ରମାଣ। ନିକଟରେ ହୋଇଥିବା ବିଧାନସଭା ଓ ଅନ୍ୟାନ୍ୟ ନିର୍ବାଚନ ବିଜୟ ଏହାର ପ୍ରତିଫଳନ ବୋଲି ଶାହ ପ୍ରକାଶ କରିଛନ୍ତି I
ଓଡ଼ିଶାର ଝିଅକୁ ଏନଡିଏର ରାଷ୍ଟ୍ରପତି ପ୍ରାର୍ଥୀ କରି ବିଜେପି ନିଜର ରାଜନୈତିକ ଅଭିଳାଶକୁ ପୂରଣ କରିବାକୁ ରଣନୀତି ପ୍ରସ୍ତୁତ କରିଥିବା ଚର୍ଚ୍ଚା ହେଉଛି।
ଉଲ୍ଲେଖନୀୟ ଯେ ପୂର୍ବରୁ ଓଡ଼ିଶାରେ ବିଜେପି 120 ଆସନରେ ବିଜୟୀ ହେବ ବୋଲି କହିଥିଲେ I ହେଲେ ତାହା ସମ୍ଭବ ହେଲା ନାହିଁ I ପଞ୍ଚାୟତ, ପୌର, ବିଧାନସଭା, ଲୋକସଭା ନିର୍ବାଚନ ଓ ସବୁ ଉପନିର୍ବାଚନରେ ବିଜେପି ସଫଳ ହୋଇନାହିଁ I ଏବେ କେତେଦୂର ସଫଳ ହେଉଛି ତାହା ଦେଖିବା କଥା I