ବିହନ ନିଗମ ନିର୍ଦେଶକ ଭାବେ ଅଶୋକ ବରାଳ ନିର୍ବାଚିତ
- ୩ ଲକ୍ଷ ୯୮ହଜାରରୁ ଅଧିକ ଭୋଟରେ ବିଜୟୀ
- ଭୁବନେଶ୍ୱର//TATKALODISHA//
ଓଡ଼ିଶାର ଆଗ ଧାଡ଼ିର ଯୁବ ଚାଷୀ, ସମାଜସେବୀ ତଥା ସାମ୍ବାଦିକ ଅଶୋକ କୁମାର ବରାଳ ପୁଣି ଥରେ ଓଡିଶା ରାଜ୍ୟ ବିହନ ନିଗମରେ ବିହନ ଚାଷୀଙ୍କ ପ୍ରତିନିଧି ଭାବେ ନିର୍ବାଚିତ ହୋଇଛନ୍ତି । ତାଙ୍କ ସହ ବୌଦ ଜିଲ୍ଲାର ଭୋଳାଗିରି ସାହୁଙ୍କ ମଧ୍ୟରେ ତୀବ୍ର ପ୍ରତିଦ୍ୱନ୍ଦିତା ହୋଇଥିଲା । ସେ ୩ ଲକ୍ଷ ୯୮ହଜାରରୁ ଅଧିକ ଭୋଟରେ ବିଜୟୀ ହୋଇଛନ୍ତି I
ଓଡିଶା ରାଜ୍ୟ ବିହନ ନିଗମ ପକ୍ଷରୁ ବିଧିବଦ୍ଧ ଭାବେ ଶ୍ରୀ ବରାଳଙ୍କ ନାମ ବିଜୟୀ ଭାବେ ଘୋଷଣା କରାଯାଇଛି । ପୂର୍ବରୁ ବିହନ ନିଗମରେ ନିର୍ଦ୍ଦେଶକ ଭାବେ ଶ୍ରୀ ବରାଳ ଦାୟିତ୍ୱ ତୁଲାଉଥିଲେ । ତାଙ୍କ ସମୟରେ ବିହନ ଚାଷୀମାନେ ଠିକଣା ସମୟରେ ସେମାନଙ୍କ ପ୍ରାପ୍ୟ ପାଇବା ସହିତ କେନ୍ଦ୍ର ସରକାରଙ୍କ ବିଭିନ୍ନ ପ୍ରୋତ୍ସାହନ ଭିତ୍ତିକ ଯୋଜନାରେ ଉପକୃତ ହୋଇଥିଲେ ।