- ଗଲାବେଳେ ଭଡ଼ା -୨୮୦୩ ଟଙ୍କା
- ଫେରିଲାବେଳେ ଭଡ଼ା -୨୭୨୧ ଟଙ୍କା
ରାଉରକେଲା, ଭୁବନେଶ୍ୱର//TATKAL ODISHA //
ହକି ବିଶ୍ୱକପ ପୂର୍ବରୁ ଶୁଭାରମ୍ଭ ହୋଇଛି ଭୁବନେଶ୍ୱରରୁ ରାଉରକେଲା ବିମାନ ସେବା।
ଆଲାଏନ୍ସ ଏୟାର ବିମାନ ଆସନ୍ତା ୧୨ରୁ ଦୈନିକ ଉଡ଼ାଣ କରିବ ।ପ୍ରତିଦିନ ଅପରାହ୍ନ ୨ଟା ୫୫ ରେ ଭୁବନେଶ୍ୱରରୁ ଛାଡ଼ି ୩ଟା ୫୦ରେ ରାଉରକେଲାରେ ପହଞ୍ଚିବ। ରାଉରକେଲାରୁ ଅପରାହ୍ନ ୪ଟା ୧୫ରେ ବାହାରି ଭୁବନେଶ୍ୱରରେ ୫ଟା ୧୦ରେ ପହଞ୍ଚିବ । ମାତ୍ର ଶନିବାର ଶୁଭାରମ୍ଭ ଦିନରେ ବିମାନ ସକାଳ ୧୦ଟା ୪୫ ମିନିଟରେ ଭୁବନେଶ୍ୱରରୁ ଉଡ଼ାଣ ଆରମ୍ଭ କରି ୧୧ଟା ୪୦ରେ ରାଉରକେଲା ବିମାନବନ୍ଦରରେ ପହଞ୍ଚିଛି। ପୁଣି ମଧ୍ୟାନ୍ନ ୧୨ଟା ୫ରେ ବିମାନ ରାଉରକେଲାରୁ ବାହାରି ଅପରାହ୍ନ ୧ରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିଛି ।
୭୨ ସିଟ୍ ବିଶିଷ୍ଟ ଏହି ବିମାନରେ ଯାତ୍ରା ପାଇଁ ଭୁବନେଶ୍ୱରରୁ ରାଉରକେଲା ମଧ୍ୟରେ ଭଡ଼ା ରହିଛି ୨୮୦୩ ଟଙ୍କା । ଅନ୍ୟପକ୍ଷରେ ରାଉରକେଲାରୁ ଭୁବନେଶ୍ୱର ଭଡ଼ା ରହିଛି ୨୭୨୧ ଟଙ୍କା ।
