ହରି ଶୟନୀ ଏକାଦଶୀ : କାହିଁକି ପାଳିବେ?
- ପୁରୀ//TATKAL ODISHA //ଐତିହ୍ୟ ଖୋଜ//
- +++++++++++++++++++++++++++++++
ହରିଶୟନ ଏକାଦଶୀ I ଆଷାଢ଼ ମାସ ଶୁକ୍ଳ ପକ୍ଷ ଏକାଦଶୀ ଠାରୁ କାର୍ତ୍ତିକ ମାସ ଏକାଦଶୀ ତିଥି ପର୍ଯ୍ୟନ୍ତ ପାଳନ ହୁଏ I ମହାପ୍ରଭୁ ବିଷ୍ଣୁ ଗଭୀର ନିଦ୍ରାକୁ ଯାଇଥାନ୍ତି।
ଏହି ସମୟରେ କୌଣସି ଶୁଭକାର୍ଯ୍ୟ କରିବାକୁ ବାରଣ କରାଯାଇଛି I ଏମିତିକି ଦୂର ଯାତ୍ରା ବି ମନା।
- +++++++++++++++++++++++++++++++++
ଏକାଦଶୀର ନାମ ହେଉଛି ‘ହରି ଶୟନୀ ଏକାଦଶୀ ’ I ଏହାର ଅନ୍ୟନାମ ‘ ପଦ୍ମା ଏକାଦଶୀ’ । ଆଷାଢ଼ ମାସ ଶୁକ୍ଳପକ୍ଷରେ ‘ହରି ଶୟନୀ ଏକାଦଶୀ’ ଦିନ ଯିଏ କମଳ ପୁଷ୍ପରେ କମଳଲୋଚନ ଭଗବାନ ବିଷ୍ଣୁଙ୍କୁ ଆରାଧନା କରିବ ତା’ର ମନୋସ୍କାମନା ନିଶ୍ଚୟ ପୂର୍ଣ୍ଣ ହେବ I
- ଆଷାଢ଼ ମାସ ଶୁକ୍ଳପକ୍ଷ ଏକାଦଶୀଠାରୁ କାର୍ତ୍ତିକ ମାସ ଶୁକ୍ଳପକ୍ଷ ଏକାଦଶୀ ପର୍ଯ୍ୟନ୍ତ ମନୁଷ୍ୟ ଉତ୍ତମ ରୂପେ ଧର୍ମ ଆଚରଣ କରିବା ଉଚିତ ।
- ଏହି ଏକାଦଶୀ ବ୍ରତ ସମସ୍ତେ କରିବା ଉଚିତ୍ ।
- ଏକାଦଶୀ ରାତିରେ ଶଙ୍ଖ, ଚକ୍ର ଓ ଗଦାଧାରୀ ଭଗବାନ ବିଷ୍ଣୁଙ୍କ ଭକ୍ତିପୂର୍ବକ ପୂଜା କରିବା ଉଚିତ ।
- ଏହି ବ୍ରତ କରୁଥିବା ମନୁଷ୍ୟର ପୁଣ୍ୟର ଗଣନା କରିବାକୁ ସ୍ୱୟଂ ଚତୁର୍ମୁଖ ବ୍ରହ୍ମା ମଧ୍ୟ ଅସମର୍ଥ ।
- ଯିଏ ଉତ୍ତମ ଏକାଦଶୀ ବ୍ରତ ପାଳନ କରେ, ସେ ଜାତିରେ ଚଣ୍ଡାଳ ହୋଇଥିଲେ ମଧ୍ୟ ସଂସାରରେ ସର୍ବଦା ବିଷ୍ଣୁଙ୍କର ଅତି ପ୍ରିୟ ହୋଇ ରହେ ।
- ଯେଉଁ ମନୁଷ୍ୟ ଦୀପଦାନ, ପଳାଶ ପତ୍ରରେ ଭୋଜନ ଏବଂ ବ୍ରତ କରି ଚତୁର୍ମାସ ଅତିବାହିତ କରେ ସେ ମଧ୍ୟ ବିଷ୍ଣୁଙ୍କର ଅତି ପ୍ରିୟ ।
- ଚତୁର୍ମାସରେ ଭଗବାନ ବିଷ୍ଣୁ ଶୋଇ ରହନ୍ତି, ଏଥିପାଇଁ ମନୁଷ୍ୟ ଭୂମିରେ ଶୟନ କରିବା ଉଚିତ । କଣ ତ୍ୟାଗ କରିବା ଉଚିତ ଦେଖନ୍ତୁ….
- ଶ୍ରାବଣ ମାସରେ ଶାଗ,
- ଭାଦ୍ରବ ମାସରେ ଦହି
- ଆଶ୍ୱିନ ମାସରେ ଦୁଧ
- କାର୍ତ୍ତିକ ମାସରେ ଡାଲି ତ୍ୟାଗ କରିଦେବା ଉଚିତ ।
- ବ୍ରତ ପାଳନକାରୀ ଚତୁର୍ମାସରେ ବ୍ରହ୍ମଚର୍ଯ୍ୟ ପାଳନ କରିବା ଦରକାର I ନିଷ୍ଠାର ସହ ପାଳନ କଲେ ପରମଗତି ପ୍ରାପ୍ତ ହୁଏ ।
ଏକାଦଶୀ ବ୍ରତଦ୍ୱାରା ହିଁ ମନୁଷ୍ୟ ସବୁ ପାପରୁ ମୁକ୍ତ ହୋଇଯାଏ । ଏଣୁ ସର୍ବଦା ଏହି ବ୍ରତ କରିବା ଉଚିତ । ଏହା କଦାପି ଭୁଲିବା ଉଚିତ୍ ନୁହେଁ । (ସଂଗୃହିତ)