ସୁରେଶ ମହାପାତ୍ର ନୂଆ OERC ଅଧ୍ୟକ୍ଷ? ନୂଆ CS କିଏ??
- ସରକାରଙ୍କ ଚୂଡ଼ାନ୍ତ ନିଷ୍ପତ୍ତି,ଘୋଷଣା ଖୁବଶୀଘ୍ର !
- ନୂଆ ମୁଖ୍ୟ ସଚିବ ଦୌଡ଼ରେ 6, ଦୁଇ ସର୍ବାଗ୍ରେ
- ଭୁବନେଶ୍ୱର//TATKAL ODISHA//EXCLUSIVE//
ବରିଷ୍ଠ ଆଇଏଏସ ତଥା ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ପରବର୍ତ୍ତୀ ‘ଓଡ଼ିଶା ବିଦ୍ୟୁତ ନିୟାମକ ଆୟୋଗ’ ବା ‘ଓଇଆରସି’ର ଅଧ୍ୟକ୍ଷ ହେବେ?
ରାଜ୍ୟ ସରକାର ଚୂଡାନ୍ତ ନିଷ୍ପତ୍ତି ନେଇସାରିଛନ୍ତି I ଖୁବଶୀଘ୍ର ଘୋଷଣା ହେବ I ସୁରେଶ ବାବୁଙ୍କ ପାଇଁ ତାହା ହେବ ରଜ ଭେଟି I
ଅଗଷ୍ଟରେ ମହାପାତ୍ରଙ୍କ କାର୍ଯ୍ୟକାଳ ସରୁଛି I ତାଙ୍କର କାର୍ଯ୍ୟକାଳ 6 ମାସ ବଢ଼ିଥିଲା I ସରକାର ସେତେବେଳେ କ୍ରମବର୍ଦ୍ଧିଷ୍ଣୁ ଓମିକ୍ରନ ସଂକ୍ରମଣ ଏବଂ ପଞ୍ଚାୟତ ଓ ପୌର ନିର୍ବାଚନ ଝାମେଲା ଯୋଗୁଁ ରିସ୍କ ନେବାକୁ ଚାହୁଁ ନଥିଲେ I
ଦ୍ଵିତୀୟରେ ସିଏସ ଲବିରେ ବହୁ ଆଶାୟୀ ଥିବାରୁ “ମୁଳୁ ମାରିଲେ ଯିବ ସରି ” ନ୍ୟାୟରେ ରଣନୀତି ଆପଣେଇଥିଲେ I ସୁରେଶ ବାବୁଙ୍କ ଚାକିରି ଅବଧି ବଢ଼ିବା ପରେ କିଛି ଆଶାୟୀ ଅବସର ନେଇଥିଲେ I ସେମାନଙ୍କୁ ଅସନ୍ତୁଷ୍ଟ ନ କରି ହାତରେ ନୁହେଁ, ଭାତରେ ମରାଯାଇଥିବା ନବୀନଙ୍କ ରଣନୀତିର ଥିଲା ଅଂଶ ବିଶେଷ I
ଜାନୁଆରୀ 15ରେ ଓଇଆରସି ଅଧ୍ୟକ୍ଷ ପଦରୁ ୟୁ ଏନ ବେହେରା ଅବସର ନେଇଥିବାରୁ ତାଙ୍କ ସ୍ଥାନରେ ସୁରେଶ ବାବୁ ପରବର୍ତ୍ତୀ ଓଇଆରସିର ଅଧ୍ୟକ୍ଷ ହେବେ I
ସୁରେଶ ବାବୁ ଯିବା ପୂର୍ବରୁ ନୂଆ ମୁଖ୍ୟ ଶାସନ ସଚିବଙ୍କ ନାଁ ଘୋଷଣା ହେବ I
– ତେବେ ରାଜ୍ୟରେ ନୂଆ ମୁଖ୍ୟଶାସନ ସଚିବ ହେବେ କିଏ?
ଏଭଳି ଏକ ଅସମାହିତ ପ୍ରଶ୍ନକୁ ନେଇ ପାୱାର କରିଡରରେ ଖୁବ ଚର୍ଚ୍ଚା I ରାଜ୍ୟ ସରକାର ତିନି 1987,1988 ଓ 1989 ଆଇଏଏସ ବ୍ୟାଚରୁ 6 ଜଣଙ୍କ ଭିତରୁ CS ବାଛିବେ I ସେମାନେ ହେଉଛନ୍ତି..
- ରାଜକୁମାର ଶର୍ମା
- ରାଜେଶ ବର୍ମା
- ସିଜେ ଭେନୁଗୋପାଳ
- ପ୍ରଦୀପ୍ତ କୁମାର ମହାପାତ୍ର
- ପ୍ରଦୀପ କୁମାର ଜେନା
- ମୋନା ଶର୍ମା
ହେଲେ ଓଡ଼ିଶା ପ୍ରଶାସନର ଦୁଇ ଆଇଏସଙ୍କ ନାଁ ସର୍ବାଗ୍ରେ ରହିଛି? ସେମାନେ ହେଉଛନ୍ତି..
- ରାଜେଶ କୁମାର ବର୍ମା
- ପ୍ରଦୀପ କୁମାର ଜେନା
ଭିତିରିଆ ସୂତ୍ରରୁ ଯାହା ଜଣାପଡ଼ିଛି ଯେ, ଉଭୟ ରାଜେଶ ଓ ପ୍ରଦୀପ – “ଉଣେଇଶ ବିଶ”ରେ ରହିଛନ୍ତି I ଆଉ ଦୁଇ ବର୍ଷ ନିର୍ବାଚନ ଥିବାରୁ ନୂଆ ସିଏସ ପଦବୀରେ ବସିବା ନେଇ ତର୍ଜମା ଆରମ୍ଭ ହୋଇଛି I ତେବେ ସରକାରଙ୍କ ସହ କେମିତି ତାଳମେଳ ରହିବ ତା’ଉପରେ ବେଶୀ ନଜର ଦିଆଯାଇଛି I
ଓଡ଼ିଶାର ଶାସନର ପରମ୍ପରା ଅନୁସାରେ ପୋଲିସ ମହାନିର୍ଦେଶକ (DG) ପଦବୀରେ ଜଣେ ଅଣ ଓଡ଼ିଆ ଆସୀନ ହେଲେ ମୁଖ୍ୟ ଶାସନ ସଚିବ ଓଡ଼ିଆ ହେବା କଥା I ସେଇ ଦୃଷ୍ଟିରୁ ଦୁଇ ଓଡ଼ିଆଙ୍କ ନାମ ତାଲିକାରେ ରହିଥିବା କୁହାଯାଉଛି I ତାଙ୍କ ନାଁ ଖୁବଶୀଘ୍ର ପ୍ରକାଶ କରିବୁ I
- IAS ତାଲିକାରେ କେଉଁମାନେ ଜାଣନ୍ତୁ…
- ++++++++++++++++++++++++
- ୟୁ ପି ସିଂ -1985- କେନ୍ଦ୍ରୀୟ ଡେପୁଟେସନ(ଅକ୍ଟୋବର 22ରେ ଅବସର)
- ଜି ଭି ଭେନୁଗୋପାଳ – 1986- ବୋର୍ଡ ଅଫ ରେଭେନ୍ୟୁ ସଭ୍ୟ(ଅକ୍ଟୋବର 2022ରେ ଅବସର)
- ସୁଦର୍ଶନ ପାଳ ଠାକୁର -1986-ଡିଜି, ଗୋପବନ୍ଧୁ ଏକାଡେମୀ–ଭିଆରଏସ
- ତୁହିନୀକାନ୍ତ ପାଣ୍ଡେ -1987-କେନ୍ଦ୍ରୀୟ ଡେପୁଟେସନ
- ଡ଼ଃ ନିକୁଞ୍ଜ କିଶୋର ସୁନ୍ଦରରାୟ -1987- କେନ୍ଦ୍ରୀୟ ଡେପୁଟେସନ(ଜାନୁଆରୀ,2023ରେ ଅବସର)
- ରାଜ କୁମାର ଶର୍ମା -1987- ଏପିସି(2023ରେ ଅବସର )
- ରାଜେଶ ବର୍ମା – 1987- କେନ୍ଦ୍ରୀୟ ଡେପୁଟେସନ
- ସି ଜେ ବେନୁଗୋପାଳ – 1988- କେବିକେ ମୁଖ୍ୟ ପ୍ରଶାସକ
- ପ୍ରଦୀପ୍ତ ମହାପାତ୍ର – 1988-ସିଏମଡି, ଓଏଫଡିସି
- ପ୍ରଦୀପ କୁମାର ଜେନା – 1989- ଉନ୍ନୟନ କମିଶନର
- ମୋନା ଶର୍ମା – 1989- ଅତିରିକ୍ତ ମୁଖ୍ୟ ଶାସନ ସଚିବ, ଜଙ୍ଗଲ ଓ ପରିବେଶ ବିଭାଗ
- ନୀତେନ ଚନ୍ଦ୍ର -1990-କେନ୍ଦ୍ରୀୟ ଡେପୁଟେସନ
- ମନୋଜ ଆହୁଜା – 1990- କେନ୍ଦ୍ରୀୟ ଡେପୁଟେସନ
ସୁରେଶ ବାବୁଙ୍କ କାର୍ଯ୍ୟକାଳ ଆଉ ବଢ଼ିବ ନାହିଁ I ତେଣୁ ରାଜ୍ୟ ସରକାର ପରବର୍ତ୍ତୀ ମୁଖ୍ୟ ଶାସନ ସଚିବ ପଦ ପାଇଁ ଏହି ତାଲିକାରୁ ହିଁ ବାଛିବେ I ତେଣୁ ରଜ ପରେ ରାଜ୍ୟ ସରକାର ନିଷ୍ପତ୍ତି ନେଉଥିବା ଜଣାପଡ଼ିଛି I