ସାମ୍ବାଦିକ, କ୍ୟାମେରାମ୍ୟାନଙ୍କୁ ସ୍କୁଲ ପ୍ରବେଶ ମନା
- ପ୍ରକାଶିତ ଵିଜ୍ଞପ୍ତି ନେଇ ବିବାଦ
- ଭୁବନେଶ୍ୱର,//TATKAL ODISHA//
ପ୍ରଥମେ ଲୋକସେବା ଭବନ, ପରେ ଜିଲ୍ଲା କାର୍ଯ୍ୟାଳୟ ଓ ଏବେସ୍କୁଲ ପ୍ରବେଶକୁ ବାରଣ I ବିନାନୁମତିରେ ଗଣମାଧ୍ୟମ ପ୍ରତିନିଧି ଓ କ୍ୟାମେରାମ୍ୟାନ ପ୍ରବେଶ କଲେ ପୋଲିସ ଦ୍ୱାରା ଗିରଫ ହେବେ I ଏପରିକି ସ୍କୁଲ ହେଡମାଷ୍ଟର ଏହାର ଉଲ୍ଲଘଂନ କଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ I
ରାଜ୍ୟ ଗଣଶିକ୍ଷା ବିଭାଗ ଏଭଳି ବିଜ୍ଞପ୍ତି ପ୍ରକାଶ କରିଛି I ଏହି ନିର୍ଦେଶନାମା ଆଧାରରେ ସବୁ ବିଇଓ ସବୁ ସ୍କୁଲ ହେଡମାଷ୍ଟରକୁ ଚିଠି ଦେଇ ନିର୍ଦେଶ ମାନିବାକୁ କହିଛନ୍ତି I ଢେଙ୍କାନାଳ କଙ୍କଡ଼ାହାଡ଼ ବ୍ଲକର ବିଇଓଙ୍କ ଚିଠି ଭାଇରାଲ ହେବା ପରେ ନୂଆ ବିବାଦ ସୃଷ୍ଟି ହୋଇଛି I
ସମ୍ପୃକ୍ତ ବିଇଓ ଚିଠିରେ ଦର୍ଶାଇଛନ୍ତି ଯେ, ଗଣମାଧ୍ୟମ ପ୍ରତିନିଧି ଓ କ୍ୟାମେରାମ୍ୟାନ ସ୍କୁଲ ପରିସରକୁ ପ୍ରବେଶକୁ ସମ୍ପୂର୍ଣ୍ଣ ନିଷିଦ୍ଧ କରାଯାଇଛି I ସେମାନେ ଯିବା ଦ୍ୱାରା ସ୍କୁଲ ବଦନାମ ହେବା ସହ ନାନା ସମସ୍ୟା ଦେଖାଦେଇଛି I
ଉଲ୍ଲେଖନୀୟ ଯେ, କାମାକ୍ଷାନଗରରେ ଏକ ସ୍କୁଲରେ ଶିକ୍ଷକ ଓ ଛାତ୍ର ଛାତ୍ରୀଙ୍କୁ ଗଣମାଧ୍ୟମ ପ୍ରତିନିଧି ଯାଇ କିଛି ପ୍ରଶ୍ନ ପଚାରି ଅଡୁଆରେ ପକାଇଥିଲେ I ସ୍କୁଲର ଶିକ୍ଷକ କିଛି ପ୍ରଶ୍ନର ଉତ୍ତର ଦେଇ ପାରି ନ ଥିଲେ I ଏପରିକି ଅଷ୍ଟମ ଶ୍ରେଣୀ ପିଲାମାନେ ବି ତୃତୀୟ ଶ୍ରେଣୀର ପାଠ କହିପାରି ନ ଥିଲେ I ଶିକ୍ଷକଙ୍କ ଯୋଗ୍ୟତା ପଦାରେ ପଢ଼ିବା ପରେ ସାମ୍ବାଦିକ ପ୍ରତି କଟକଣା ଲାଗୁ ହୋଇଥିବା କୁହାଯାଉଛି I