- ବୃହତ୍ତର ସ୍ୱାର୍ଥ ଦୃଷ୍ଟିରୁ ଦୁଇ ଦଳ ମିଳିତ ହୋଇ ବଡ଼ ନିଷ୍ପତ୍ତି ନେଇପାରନ୍ତି..
ଭୁବନେଶ୍ୱର// TATKAL ODISHA //
ଓଡ଼ିଶାରେ ବିଜେଡିକୁ ସରକାର ଗଢ଼ିବାକୁ ହେଲେ ବିଜେପିର ଆବଶ୍ୟକତା ପଡ଼ିବ ନାହିଁ । କେନ୍ଦ୍ରରେ ବିଜେପିକୁ ସରକାର ଗଢ଼ିବାକୁ ହେଲେ ଅନରୂପ ଭାବେ ବିଜେଡିର ସହଯୋଗ ଆବଶ୍ୟକ ପଡ଼ିବ ନାହି । ତେଣୁ ନରେନ୍ଦ୍ର ମୋଦୀ ଭାରତର ତୃତୀୟ ଥର ପାଇଁ ପ୍ରଧାନମନ୍ତ୍ରୀ ପଦରେ ଆସୀନ ହେଉଥିବାବେଳେ ଓଡ଼ିଶାରେ ନବୀନ ପଟ୍ଟନାୟକ କ୍ରମାଗତଃ ଷଷ୍ଠଥର ପାଇଁ ମୁଖ୍ୟମନ୍ତ୍ରୀ ହେବେ । ଏହା ସତ୍ତ୍ୱେ ବି ବୃହତ୍ତର ସ୍ୱାର୍ଥ ଦୃଷ୍ଟିରୁ ଦୁଇ ଦଳ ମିଳିତ ହୋଇ ବଡ଼ ନିଷ୍ପତ୍ତି ନେଇପାରନ୍ତି ।’
“ଉଭୟ ବିଜେଡି ଓ ବିଜେପି ପାଇଁ ସରକାର ଗଢ଼ିବା ପାଇଁ କିଛି ସମସ୍ୟା ନାହିଁ”
ଏଭଳି ବଡ଼ ବୟାନ ହେଇଛନ୍ତି ବିଜେଡି ନେତା ଭିକେ ପାଣ୍ଡିଆନ । ଏକ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି ଯେ, ଜଣେ ନିର୍ବାଚନ ଜିତିବାକୁ ହେଲେ କୌଣସି ଦଳ ମେଣ୍ଟରେ ସାମିଲ ହେବାକୁ ପଡ଼ିଥାଏ । ମାତ୍ର ଉଭୟ ବିଜେଡି ଓ ବିଜେପି ପାଇଁ ସରକାର ଗଢ଼ିବା ପାଇଁ କିଛି ସମସ୍ୟା ନାହିଁ ।
ଶ୍ରୀ ପାଣ୍ଡିଆନ କହିଛନ୍ତି ଯେ, ଉଭୟ ମୋଦୀଜୀ ଓ ନବୀନଜୀ ବେଶ୍ ଲୋକପ୍ରିୟ । ଲଗାତାର ନିର୍ବାଚନ ଜିତୁଛନ୍ତି । ସରକାର ଗଢ଼ିବା ପାଇଁ ନବୀନ ଓଡ଼ିଶାରେ ମେଣ୍ଟର ଆବଶ୍ୟକତା ନାହିଁ । ଯାହା ହେବ ରାଜ୍ୟର ସ୍ୱାର୍ଥ ପାଇଁ ହେବ ବୋଲି ସେ ପ୍ରକାଶ କରିଛନ୍ତି ।
