- ଭୁବନେଶ୍ୱର // TATKAL ODISHA //
ବିପଦରେ ପଡ଼ୁଥିବା କଳାକାରଙ୍କ ପାଇଁ ଓଡ଼ିଆ କଳାକାରଙ୍କ ସ୍ୱର (OKS) ସର୍ବଦା ସହାୟତାର ହାତ ବଢ଼ାଉଛି I ଏହି କ୍ରମରେ ଗତ କିଛିଦିନ ଧରି ଅସୁସ୍ଥ ହୋଇ ପଡିଥିବା ଟେକ୍ନିସିଆନ୍ ତଥା ସାଉଣ୍ଡ ରେକର୍ଡିଷ୍ଟ ବାସୁ ଭାଇଙ୍କ ଘରକୁ ଯାଇ ଓକେଏସ ପରିବାର ସଦସ୍ୟମାନେ କିଞ୍ଚିତ ଆର୍ଥିକ ସହାୟତା ପ୍ରଦାନ କରିଵା ସହ ଜଗତର ନାଥ ଜଗନ୍ନାଥଙ୍କ ପାଖରେ ତାଙ୍କର ଆରୋଗ୍ୟ କାମନା କରିଛନ୍ତି ।
ଓକେଏସ ପରିବାରର ସଭାପତି ତଥା ପ୍ରଯୋଜକ ଶ୍ରୀଧର ମାର୍ଥାଙ୍କ ନେତୃତ୍ୱରେ ସଂସ୍ଥାର ସମ୍ପାଦକ ତଥା ଅଭିନେତା ମୃତ୍ୟୁଞ୍ଜୟ ପଣ୍ଡା, ସହ- ସଂପାଦକ ତଥା ଅଭିନେତା ବରଦା ପ୍ରସନ୍ନ ପାତ୍ର, ସହ କୋଷାଧ୍ୟକ୍ଷ ତଥା ଅଭିନେତା ବିଶାଲ ସାହୁ, ଅଭିନେତ୍ରୀ ସୁକାନ୍ତି ମହାପାତ୍ର ଓ ପରିବାରର ଅନ୍ୟ ସଦସ୍ୟ ସଦସ୍ୟା ମାନେ ବସୁଭାଇଙ୍କୁ ଭେଟିଛନ୍ତି I ଓକେଏସର ଏହି ସୁନ୍ଦର ପଦକ୍ଷେପ ପାଇଁ ବିଭିନ୍ନ ମହଲରୁ ସାଧୁବାଦ ଜ୍ଞାପନ କରାଯାଇଛି I 