ବିଜେଡି ବିଧାୟକ ଶଶୀଭୂଷଣ ବେହେରାଙ୍କ ନାଁରେ ଯୌତୁକ ନିର୍ଯାତନା ଅଭିଯୋଗ

ଭୁବନେଶ୍ୱର, କଟକ,//TATKAL ODISHA//

• ପୂର୍ବତନ ଅର୍ଥମନ୍ତ୍ରୀ ତଥା କେନ୍ଦ୍ରାପଡ଼ାର ବରିଷ୍ଠ ବିଜେଡି ବିଧାୟକ ଶଶୀଭୂଷଣ ବେହେରାଙ୍କ ନାଁରେ ଯୌତୁକ ନିର୍ଯାତନା ଅଭିଯୋଗ ଆସିଛି I
• ବୋହୂ ରୋନାଲି ବେହେରା କରିଛନ୍ତି ଅଭିଯୋଗ I
• ବିଧାୟକଙ୍କ ପୁଅ, ସ୍ତ୍ରୀ ଓ ଅନ୍ୟ ପରିବାର ସଦସ୍ୟଙ୍କ ନାଁରେ ଥାନାରେ ଏହି ଅଭିଯୋଗ ହୋଇଛି I
• ବାଙ୍କୀ ଥାନାରେ ବୋହୁ ରୋନାଲି ଯୌତୁକ ନିର୍ଯାତନା ନେଇ ଅଭିଯୋଗ କରିଛନ୍ତି I

ସୂଚନାନୁସାରେ ଶଶୀଭୂଷଣଙ୍କ ପୁଅ ସତ୍ୟପ୍ରକାଶ ବାଙ୍କୀ ଅଞ୍ଚଳର ରୋନାଲି ବେହେରାଙ୍କୁ ବିବାହ କରିଥିଲେ । ବିବାହ ପରେ  ଶାଶୁଘର ଲୋକେ ଓ ସ୍ୱାମୀ ସତ୍ୟପ୍ରକାଶ ତାଙ୍କୁ ମାରପିଟ୍ କରିବା ସହ  ଶାରୀରିକ ଓ ମାନସିକ ନିର୍ଯ୍ୟାତନା ଦେଉଥିଲେ ବୋଲି ସେ ଅଭିଯୋଗ କରିଛନ୍ତି । ଜଣେ ବିବାହିତ ମହିଳାଙ୍କ ସହ ସ୍ୱାମୀଙ୍କ ଅନୈତିକ ସମ୍ପର୍କ ରହିଛି । ହେଲେ  ଶ୍ୱଶୁର ଶଶୀଭୂଷଣ ସବୁ ଜାଣି ରହସ୍ୟମୟ ଭାବେ  ଚୁପ୍ ରହୁଛନ୍ତି ।

 ରୋନାଲି ସେଥିପାଇଁ ମଙ୍ଗଳବାର  ବାଙ୍କୀ ଥାନାରେ ଶ୍ୱଶୁର ଶଶୀଭୂଷଣ ବେହେରା, ସ୍ୱାମୀ ସତ୍ୟ ପ୍ରକାଶ ବେହେରା, ଶାଶୁ ସୁପ୍ରଭା ବେହେରାଙ୍କ ସମେତ ୫ ଜଣଙ୍କ ବିରୋଧରେ ଏତଲା ଦେଇଛନ୍ତି ।

ପୁଲିସ ଏହି ଏତଲାକୁ ଗ୍ରହଣ କରି ସେମାନଙ୍କ ବିରୋଧରେ ଦଫା ୪୯୮(କ), ୨୯୪, ୫୦୬, ୩୪ ଏବଂ ଯୌତୁକ ନିରୋଧ ଆଇନ ୧୯୬୧ ର ଧାରା ୪ ରେ ମାମଲା ରୁଜୁ କରି ତତନ୍ତ କରୁଛି।