ବିଜୁ ବାବୁଙ୍କ ଜୟନ୍ତୀରେ ସରକାରଙ୍କୁ ପ୍ରଶ୍ନ ପରେ ପ୍ରଶ୍ନ ପଚାରିଲେ ନବୀନ

• ଶଙ୍ଖ ଭବନରେ ବିଜୁ ବାବୁଙ୍କ ୧୦୯ ତମ ଜୟନ୍ତୀ

• ଶ୍ରଦ୍ଧାଞ୍ଜଳି ଜଣାଇଲେ ସଭାପତି ନବୀନ ପଟନାୟକ

ଭୁବନେଶ୍ୱର//TATKAL ODISHA//

• ପଂଚାୟତ୍ତିରାଜ ଦିବସ ବନ୍ଦ କଲେ,ବିଜୁ ବାବୁଙ୍କ ଲେଗସି କଣ ଲିଭାଇ ପାରିବେ?
• ପାରାଦ୍ୱୀପ ବନ୍ଦର କଣ ବନ୍ଦ କରିପାରିବେ?
• ଏନଟିପିସି ,ହାଲ, ଏନଏଆଇଟି ରାଉରକେଲା ଓ ଓୟୁଏଟି କଣ ବନ୍ଦ କରିପାରିବେ?
• ମହିଳାଙ୍କ ପାଇଁ ପଞ୍ଚାୟତିରାଜ ଅନୁଷ୍ଠାନରେ ସଂରକ୍ଷଣ ବନ୍ଦ କରି ପାରିବେ?
• ସ୍ୱାଧୀନତା ସଂଗ୍ରାମ ଇତିହାସରୁ ବିଜୁ ବାବୁଙ୍କ ନାମ ଲିଭାଇ ପାରିବେ?

ପଞ୍ଚାୟତ୍ତିରାଜ ରାଜ ଦିବସ ବନ୍ଦ ସମ୍ପର୍କରେ ଓଡ଼ିଶା ସରକାରଙ୍କୁ ଏଭଳି ଢଙ୍ଗରେ ଅଟାକ କରି ପ୍ରଶ୍ନ ପଚାରିଛନ୍ତି ବିଜେଡି ସୁପ୍ରିମୋ ନବୀନ ପଟନାୟକ I

ରବିବାର ଶଙ୍ଖ ଭବନରେ ବିଜୁ ବାବୁଙ୍କ ୧୦୯ ତମ ଜୟନ୍ତୀ ପାଳନ ଅବସରରେ ନବୀନ କହିଛନ୍ତି ଯେ, ପଂଚାୟତକୁ ଶକ୍ତିଶାଳୀ କରିବାରେ ବିଜୁ ବାବୁଙ୍କ ଅବଦାନକୁ ଅଣ ଦେଖା କରାଯାଇପାରିବନାହିଁ Iଇତିହାସକୁ ବିକୃତ କରିବାକୁ କିଛି ଲୋକ ଉଦ୍ୟମ କରୁଚନ୍ତି ,କିନ୍ତୁ ସଫଳ ହେବେନାହିଁ I

“ବିଜୁବାବୁଙ୍କ କାର୍ଯ୍ୟ ପାଇଁ ଓଡ଼ିଆ ଜାତି ସବୁବେଳେ ଗର୍ବ କରୁଥିବ”: ନବୀନ

ନବୀନ କହିଛନ୍ତି ଯେ, ବିଜୁବାବୁ ଓଡିଶାବାସୀଙ୍କ ପ୍ରିୟ ନେତା, ମହାନ ଜନନାୟକ I ବିଜୁ ବାବୁ,ଏ ଦୁଇଟି ଶବ୍ଦ ଶୁଣିଲେ ପ୍ରତି ଓଡିଆଙ୍କ ଛାତି ଗର୍ବରେ ଫୁଲି ଉଠେ । ମନରେ ସାହାସ ଆସେ । ଏବଂ ଆଖି ଆଗରେ ସାହସ ଓ କରୁଣାରେ ପରିପୂର୍ଣ୍ଣ ବିଶାଳ ହୃଦୟ ଥିବା Tall man ଙ୍କ ଛବି ଭାସି ଆସେ.. ସେ ଥିଲେ ସାଢେ ଚାରି କୋଟି ଓଡ଼ିଆଙ୍କ ବିଶ୍ୱାସର ସ୍ତମ୍ଭ..

ଶ୍ରୀ ପଟ୍ଟନାୟକ କହିଥିଲେ ଯେ, ସରକାର ଆସିବ, ଯିବ, କିନ୍ତୁ ବିଜୁ ବାବୁ ସାଢେ ଚାରି କୋଟି ଓଡ଼ିଆଙ୍କ ହୃଦୟ ରେ ରହିଛନ୍ତି ଓ ରହିଥିବେ,ତାଙ୍କ କାମ ପାଇଁ ଓଡ଼ିଆ ଜାତି ସବୁବେଳେ ଗର୍ବ କରୁଛି ଓ କରୁଥିବ ଏବଂ ଭବିଷ୍ୟତ ପିଢ଼ି ପାଇଁ ପ୍ରେରଣା ଯୋଗାଉଥିବ I

ବିଜୁ ବାବୁଙ୍କ ଜୟନ୍ତୀକୁ ପଂଚାୟତ୍ତିରାଜ ଦିବସ ଭାବରେ ପାଳନ ନ କରିବା ପାଇଁ ସରକାରଙ୍କ ନିଷ୍ପତ୍ତି ଉପରେ ପ୍ରତିକ୍ରିୟା ରଖି ଶ୍ରୀ ପଟନାୟକ କହିଥିଲେ ଯେ, ଦୁର୍ଭାଗ୍ୟର କଥା କ୍ଷମତାକୁ ଆସିବାର ଠିକ ପରେ ପରେ ବିଜେପି ସରକାର ବିଜୁ କ୍ରୀଡା ପୁରସ୍କାର ର ନାମ ବଦଳାଇବାକୁ ଚେଷ୍ଟା କରିଥିଲେ .କିନ୍ତୁ ପ୍ରବଳ ଜନ ପ୍ରତିକ୍ରିୟା ପରେ ନିଷ୍ପତ୍ତି ରୁ ଓହରିଲେ.ଏଵେ ସେହିପରି ସାରା ରାଜ୍ୟ ରେ ବିଜୁ ବାବୁଙ୍କ ପ୍ରତିମୂର୍ତ୍ତି ଭଙ୍ଗା ଯାଉଛି.କିନ୍ତୁ ଅପରାଧୀଙ୍କୁ ଧରିବା ପାଇଁ ସରକାରଙ୍କ ଆନ୍ତରିକତା ନାହିଁ I ଗତ ତିରିଶ ବର୍ଷ ହେଲା ୧୯୯୩ରୁ ଓଡିଶା ବାସି ବିଜୁ ବାବୁଙ୍କ ଜୟନ୍ତୀକୁ ପଂଚାୟତ୍ତିରାଜ ଦିବସ ଭାବରେ ପାଳନ କରି ଆସୁଥିଲେI କିନ୍ତୁ ଚଳିତ ବର୍ଷ ଏହି ଦିବସକୁ ଅନ୍ୟ ତାରିଖ କୁ shift କରିବା ପଛରେ ରହସ୍ୟ କଣ ବୋଲି ଶ୍ରୀ ପଟନାୟକ ପ୍ରଶ୍ନ କରିଛନ୍ତି I ଏହାର କଡା ନିନ୍ଦା କରି ଶ୍ରୀ ପଟନାୟକ କହିଛନ୍ତି ଯେ ବିଜେପି ସରକାର ଯୋଜନା ଓ ପୁରସ୍କାର ର ନାମ,ରଙ୍ଗ ପରିବର୍ତ୍ତନ କରିପାରନ୍ତି, ବରପୁତ୍ର ମାନଙ୍କ ପ୍ରତିମୂର୍ତ୍ତି କୁ ବିକୃତ କରିପାରନ୍ତି. ଉତ୍ସବ ତାରିଖ ବଦଳାଇ ପାରନ୍ତି ,କିନ୍ତୁ ବିଜୁ ବାବୁ ଙ୍କ ପ୍ରତି ଥିବା ଲୋକଙ୍କ ଶ୍ରଦ୍ଧା ଓ ଭଲ ପାଇବା କୁ ନେଇଯାଇ ପାରିବେ ନାହିଁ I

ବିଜୁ ବାବୁ ଲୋକଙ୍କ ହୃଦୟ ରେ ଅଛନ୍ତି.ତାକୁ ଆପଣ ପରିବର୍ତ୍ତନ କରି ପାରିବେ କି ବୋଲି ସେ ପ୍ରଶ୍ନ କରିଛନ୍ତି.
ଏସବୁ ଘଟଣା ବିଜୁ ବାବୁଙ୍କ ପ୍ରତି ଲୋକ ଙ୍କ ଶ୍ରଦ୍ଧା ଓ ଭଲ ପାଇବାକୁ ଅଧିକ ନିବିଡ଼ କରିଛି ବୋଲି ସେ କହିଥିଲେ.
ପୁରୀ ସ୍ୱର୍ଗଦ୍ୱାର ରୁ ବିଜୁ ବାବୁଙ୍କ ସମାଧି ହଟା ଯିବା ବିଷୟ ଉଲେଖ କରି ଶ୍ରୀ ପଟନାୟକ କହିଥଲେ ସ୍ୱର୍ଗଦ୍ୱାରର ପୁନଃବିନ୍ୟାସ ପାଇଁ ବିଜୁ ବାବୁଙ୍କ ସମାଧି ହଟାଇବା ପାଇଁ ସେ ନିଷ୍ପତ୍ତି ନେଇଥଲେI କାରଣ ଇଟା,ସିମେଣ୍ଟ ଓ କଂକ୍ରିଟ ଆବରଣ ଭିତରେ ନୁହେଁ ,ବିଜୁ ବାବୁଙ୍କ ସ୍ଥାନ ଓଡିଶା ବାସୀଙ୍କ ହୃଦୟରେI

“ସରକାର ଯିବ,ସରକାର ଆସିବ…କିନ୍ତୁ ବିଜୁ ବାବୁ ଓଡ଼ିଆଙ୍କ ହୃଦୟରେ ରହିଛନ୍ତି ଓ ରହିଥିବେ“

ସ୍ୱାଧୀନତା ସଂଗ୍ରାମ ରେ ବିଜୁ ବାବୁଙ୍କ ଅବଦାନ କୁ ଆପଣ କଣ ଲିଭାଇ ପାରିବେ ବୋଲି ସେ ପ୍ରଶ୍ନ କରିଛନ୍ତି. ବର୍ତ୍ତମାନ ବିଜୁ ପଟନାୟକ international airport ର ନାମ ପରିବର୍ତନ ପାଇଁ ସରକାର ଉଦ୍ୟମ କରୁଛନ୍ତି ବୋଲି ଶ୍ରୀ ପଟନାୟକ କ୍ଷୋଭ ର ସହ କହିଥିଲେ. କେତେ ଯୋଜନା ରୁ ସରକାର ବିଜୁ ବାବୁଙ୍କ ନାମ ହଟାଇ ପାରିବେ ବୋଲି ବିରୋଧୀ ଦଳ ନେତା ପ୍ରଶ୍ନ କରିବା ସହ ଏହା ସରକାରଙ୍କ ସଂକୀର୍ଣ୍ଣ ମନୋଭାବ ଓ
ଅପରିପକ୍ୱ ରାଜନୀତି ର ପରିଚୟ ଦେଉଛି ବୋଲି ଶ୍ରୀ ପଟନାୟକ କହିଥିଲେ.

• “I said earlier Biju Babu is an idea in continuity, an idea of realizing the breadth of human aspirations, an idea of Odia self-esteem, selfless service and empowerment.”

• ବିଜୁ ବାବୁଙ୍କୁ ଶ୍ରଦ୍ଧାଞ୍ଜଳି ଜଣାଇ ଶ୍ରୀ ପଟନାୟକ କହିଥିଲେ ଯେ
  ପଦ ପଦବୀ ପାଇଁ ସେ ରାଜନୀତି କୁ ଆସି ନ ଥିଲେ । ଓଡିଶାର ବିକାଶ, ଓଡିଶାର ପୂର୍ବ ଗୌରବ ଓ ଓଡିଆ ସ୍ୱାଭିମାନ ପାଇଁ ତାଙ୍କ committment ତାଙ୍କୁ ରାଜନୀତିକୁ ଆଣିଥିଲା ।
  ଇଣ୍ଡୋନେସିଆର ମୁକ୍ତି ସଂଗ୍ରାମ ହେଉ ବା Unesco Kalinga ପୁରସ୍କାର, ଓଡିଆ ଜାତିର ପରିଚୟକୁ, ସେ ନୂଆ heights କୁ ନେଇଥିଲେ ।
  ବିଜୁ ବାବୁ କେବଳ ରାଜ୍ୟ ବା ଜାତୀୟ ସ୍ତର ର ନେତା ନ ଥିଲେ ସେ ଜଣେ ବିଶ୍ୱ ନେତା ଥିଲେ. ସେ ଥିଲେ ଦେଶ ର ଗର୍ବ.ତାଙ୍କ ଲେଗସି କୁ ଲିଭାଇବା ସହଜ ନୁହେଁ ବୋଲି ଶ୍ରୀ ପଟନାୟକ କହିଥିଲେ.
  ପଞ୍ଚାୟତ ବ୍ୟବସ୍ଥା କୁ କ ସଶକ୍ତ କରିବା ଏବଂ ସେଥିରେ ମା ମାନଙ୍କ ପାଇଁ ୩୩ ପ୍ରତିଶତ ସଂରକ୍ଷଣ କରି ବିଜୁ ବାବୁ ଦେଶରେ ଇତିହାସ ସୃଷ୍ଟି କରିଥିଲେ । କ୍ଷମତା ର ବିକେନ୍ଦ୍ରିକରଣ ଉପରେ ସେ ଜୋର ଦେଉଥିଲେ । ସରପଞ୍ଚଙ୍କୁ ସେ ଗାଁର ମୁଖ୍ୟମନ୍ତ୍ରୀ ବୋଲି କହୁଥିଲେ । ଏକ ସଶକ୍ତ ପଂଚାୟତ୍ତିରାଜ ବ୍ୟବସ୍ଥା ପାଇଁ ଏହା ଥିଲା ବିଜୁ ବାବୁଙ୍କ ପ୍ରତିବଦ୍ଧତା ର ନିଦର୍ଶନ ବୋଲି ଶ୍ରୀ ପଟନାୟକ.କହିଥଲେ.
  ବାସ୍ତବିକ ଏକସୁସ୍ଥ ପଞ୍ଚାୟତ ବ୍ୟବସ୍ଥା ହିଁ ଶକ୍ତିଶାଳୀ ଗଣତନ୍ତ୍ର ରେ ପରିଚୟ.
  ପଞ୍ଚାୟତି ରାଜ ବ୍ୟବସ୍ଥାକୁ ମଜବୁତ୍‌ କରିବାରେ ବିଜୁ ବାବୁଙ୍କ ଅବଦାନକୁ ଅଣଦେଖା କରାଯାଇ ପାରିବ ନାହିଁ ବୋଲି ମତ ଦେଇ ଶ୍ରୀ ପଟନାୟକ କହିଥିଲେ ଯେ ।ଏବେ କିଛି ବର୍ଷ ହେଲା କିଛି ଲୋକ ଇତିହାସକୁ ବିକୃତ କରିବା ପାଇଁ ଉଦ୍ୟମ କରୁଛନ୍ତି । କିନ୍ତୁ ଲୋକ ସେମାନଙ୍କୁ କେବେ ସଫଳ ହେବାକୁ ଦେବେ ନାହିଁ । କାରଣ ଇତିହାସ ହେଉଛି ସମୟର ଖୋଲା ପୁସ୍ତକ ଏବଂ ଭବିଷ୍ୟତ ସମସ୍ତଙ୍କ ମୂଲ୍ୟାୟନ ନିରପେକ୍ଷ ଭାବରେ କରିଥାଏ.ବିଜୁବାବୁଙ୍କ ଅବର୍ତମାନରେ ମଧ୍ୟ ତାଙ୍କ ଅତୁଟ ଲୋକପ୍ରିୟତା ଉପରେ ଆଲୋକପାତ କରି ଶ୍ରୀ ପଟନାୟକ କହିଥିଲେ
  ସରକାର ଆସିବ, ସରକାର ଯିବ । କିନ୍ତୁ ବିଜୁ ବାବୁ ସବୁଦିନ ପାଇଁ ସବୁ ଓଡିଆଙ୍କ ହୃଦୟରେ ରହିଛନ୍ତି ଓ ରହିଥିବେ ଏବଂ ତାଙ୍କ ଅବଦାନ ପାଇଁ ଓଡିଆ ଜାତି ଗର୍ବ କରୁଥିବ ଏବଂ ଭବିଷ୍ୟତ ପୀଢି ପାଇଁ ପ୍ରେରଣା ଯୋଗାଇ ଚାଲିଥିବ ।