- ବିବାଦୀୟ 10 ମନ୍ତ୍ରୀ ଦେବେ ସ୍ୱଇଛାରେ ଇସ୍ତଫା
- ମନ୍ତ୍ରୀ ପଦକୁ ଫେରିବେ ବାଚସ୍ପତି
- 8 ପୁରୁଣା ମନ୍ତ୍ରୀଙ୍କ ବଦଳିବ ବିଭାଗ?
- ବାସ୍ତୁ ତାରିଖ ଅନୁସାରେ ହେଉଛି ଅଦଳବଦଳ !
- ଶୁଭ ନମ୍ବର “ସାତ” ବା “ନଅ” ଉପରେ ଗୁରୁତ୍ୱ
- ମନ୍ତ୍ରୀ ସଂଖ୍ୟା 20 ନୁହଁ 21ହେବ
ଭୁବନେଶ୍ୱର,//TATKAL ODISHA//
ମନ୍ତ୍ରୀମଣ୍ଡଳ ଅଦଳବଦଳ ପ୍ରକ୍ରିୟା ବିଳମ୍ବିତ ହୋଇଥିଲେ ହେଁ ଚୂଡାନ୍ତ ହୋଇଛି I ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାଙ୍ଗଠନିକ କାର୍ଯ୍ୟ ଶେଷ କରି ନୂଆ ମନ୍ତ୍ରୀମଣ୍ଡଳ ତାଲିକାରେ ଶେଷ ସ୍ପର୍ଶ ଦେଇଛନ୍ତି ! ତାଙ୍କ ସରକାରର ଚତୁର୍ଥ ପାଳିରେ ପ୍ରାୟ ତିନି ବର୍ଷ ପରେ ଏହି ଅଦଳବଦଳ ହେଉଛି I ଶନିବାର ଠାରୁ ପ୍ରକ୍ରିୟା ଆରମ୍ଭ ହୋଇଛି I ଖୁବଶୀଘ୍ର ନୂଆ ମନ୍ତ୍ରୀମଣ୍ଡଳର ଶପଥଗ୍ରହଣ ଉତ୍ସବ ହେବ I
2024 ନିର୍ବାଚନକୁ ନଜର ରଖି ବରିଷ୍ଠ ଓ କନିଷ୍ଠ ବିଧାୟକଙ୍କ ସମନ୍ନୟ କରି ମନ୍ତ୍ରୀ ପଦ ମିଳିବ I
ଏକ ବିଶେଷ ସୂତ୍ରରୁ ତାହା ଜଣାପଡ଼ି ଥିଲେ ହେଁ ସରକାରୀ ଭାବେ କିଛି ଘୋଷଣା ହୋଇନାହିଁ ।
ସୂଚନାନୁସାରେ ବିଭିନ୍ନ ବିବାଦରେ ଛନ୍ଦି ହୋଇଥିବା 10 ମନ୍ତୀଙ୍କର ମୁଣ୍ଡ ଛେଦନ ହେବ I ସେମାନେ ସମୂହ ସ୍ୱଇଚ୍ଛା (voluntarily)ରେ ଇସ୍ତଫା ଦେବେ ବୋଲି ଜଣାପଡ଼ିଛି I ଆବଶ୍ୟକ ପଡ଼ିଲେ ସବୁମନ୍ତ୍ରୀ ଇସ୍ତଫା ଦେଇପାରନ୍ତି I 8 ପୁରୁଣା ମନ୍ତ୍ରୀଙ୍କ ବଦଳିବ ବିଭାଗ?
ମନ୍ତ୍ରୀ ସଂଖ୍ୟା 20 ନୁହଁ 21 ହେବ I ମନ୍ତ୍ରୀ ପଦକୁ ଫେରିବେ ବାଚସ୍ପତି ଡ଼ଃ ସୂର୍ଯ୍ୟ ନାରାୟଣ ପାତ୍ର I
ବାସ୍ତୁ ତାରିଖ ଅନୁସାରେ ଅଦଳବଦଳ ହେଉଛି ! ସୁପ୍ରିମୋ ନବୀନଙ୍କ ଶୁଭ ନମ୍ବର “ଏକ’, “ତିନି”, ପାଞ୍ଚ, ‘ସାତ’ ବା ‘ନଅ’ ଥିବାରୁ ତାହା ଉପରେ ଅଧିକ ଗୁରୁତ୍ୱ ଦିଆଯାଇଛି I ସେଥିପାଇଁ ମଇ 7ରେ ମନ୍ତ୍ରୀ ମଣ୍ଡଳ ନେଇ ପ୍ରକ୍ରିୟା ଆରମ୍ଭ ହୋଇଥିବା ଚର୍ଚ୍ଚା ହେଉଛି I ଅନ୍ୟ ଶୁଭ ତାରିଖଗୁଡ଼ିକ ହେଉଛି ମଇ 9, ମଇ 10 (1+0) ବା ମଇ 14(1+4) ଓ ମଇ 21(2+1) ହୋଇପାରେ I
ମୁଣ୍ଡକାଟ ପାଇଁ ଛଅଟି “ମାନ ଦଣ୍ଡ” ସ୍ଥିର ହୋଇଛି I ପୂର୍ବରୁ ତାହା ସ୍ପଷ୍ଟ କରିଥିଲୁ I ପୁଣି ଥରେ ଦେଉଛୁ..
- ଯେଉଁ ମନ୍ତ୍ରୀଙ୍କ ‘ଇଣ୍ଡିଗ୍ରିଟି ଡାଉଟଫୁଲ’ ଥିବ
- ଯେଉଁ ମନ୍ତ୍ରୀଙ୍କ କାର୍ଯ୍ୟ ଦକ୍ଷତା ଭଲ ନ ଥିବ
- ଯେଉଁ ମନ୍ତ୍ରୀ କିଛି ‘ଘୋଟଲା’ରେ ସାମିଲ ଥିବେ
- ଯେଉଁ ମନ୍ତ୍ରୀ ଅଳିଆ କାର୍ଯ୍ୟରେ ସାମିଲ ଥାଇ ବିବାଦୀୟ ହୋଇଥିବେ
- ଯେଉଁ ମନ୍ତ୍ରୀ ଦଳ ପାଇଁ ବାରମ୍ବାର ସମସ୍ୟା ସୃଷ୍ଟି କରୁଥିବେ-
- ଗତ ପଞ୍ଚାୟତ, ପୌର ନିର୍ବାଚନରେ ଦକ୍ଷତା ପ୍ରତିପାଦନ କରିନଥିବେ
କେଉଁ ମନ୍ତ୍ରୀ ଇସ୍ତଫା ଦେବେ ?
- ସୂଚନା ଓ ଚର୍ଚ୍ଚାନୁସାରେ..
- ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି,
- ଜଙ୍ଗଲ ମନ୍ତ୍ରୀ ବିକ୍ରମ କେଶରୀ ଆରୁଖ,
- ଜଳସମ୍ପଦ ତଥା ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ,
- ଗୃହ ରାଷ୍ଟ୍ରମନ୍ତ୍ରୀ ଦିବ୍ୟ ଶଙ୍କର ମିଶ୍ର
- ପଞ୍ଚାୟତିରାଜ ଓ ଆଇନ ମନ୍ତ୍ରୀ ପ୍ରତାପ ଜେନା
- କୃଷି ଓ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ
- ଦକ୍ଷତା ବିକାଶ ମନ୍ତ୍ରୀ ପ୍ରେମାନନ୍ଦ ନାଏକ
- ପର୍ଯ୍ୟଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ
- ହସ୍ତଶିଳ୍ପ ଓ ବୟନ ମନ୍ତ୍ରୀ ପଦ୍ମିନୀ ଦିଆନ
- ଖାଦ୍ୟ ଓ ଯୋଗାଣ ମନ୍ତ୍ରୀ ରାଣେନ୍ଦ୍ର ପ୍ରତାପ ସ୍ୱାଇଁ
ଏହି ମନ୍ତ୍ରୀମାନେ ସମୂହ ସ୍ଵଇଚ୍ଛାରେ ଇସ୍ତଫା ଦେବେ ବୋଲି ଚର୍ଚ୍ଚା ଜୋରଧରିଛି ।
କେଉଁମାନେ ମନ୍ତ୍ରୀ ହେବେ?
- ବାଲେଶ୍ୱର ଜିଲ୍ଲାରୁ ବିଧାୟକ ଅଶ୍ୱିନୀ ପାତ୍ର,
- ଗଞ୍ଜାମ ଜିଲ୍ଲାରୁ ବିଧାୟିକା ଲତିକା ପ୍ରଧାନ,
- ବୌଦ୍ଧ ଜିଲ୍ଲାରୁ ପ୍ରଦୀପ ଅମାତ୍,
- କେନ୍ଦୁଝର ଜିଲ୍ଲାରୁ ବଦ୍ରିନାରାୟଣ ପାତ୍ର,
- କେନ୍ଦ୍ରାପଡ଼ା ଜିଲ୍ଲାରୁ ଅତନୁ ସବ୍ୟସାଚୀ ନାୟକ,
- ମୟୂରଭଞ୍ଜ ଜିଲ୍ଲା ବାସନ୍ତୀ ହେମ୍ବ୍ରମ
- ମନ୍ତ୍ରିମଣ୍ଡଳରେ ଏମାନଙ୍କୁ ସ୍ଥାନ ମିଳିବାର ସମ୍ଭାବନା ରହିଛି ।
* ମନ୍ତ୍ରୀଙ୍କୁ ଭଲ ବିଭାଗ: ପ୍ରଫୁଲ୍ଲ ମଲ୍ଲିକ, ସୁଶାନ୍ତ ସିଂହ, ଟୁକୁନି ସାହୁ
