ଜି.ଭି.ଭି ଶର୍ମା ଏନଏସିୱିସିର ଅଧ୍ୟକ୍ଷ
ନୂଆଦିଲ୍ଲୀ/ଭୁବନେଶ୍ୱର,(ତତ୍କାଳ ଓଡ଼ିଶା): ଦୁଇ ଓଡ଼ିଶା କ୍ୟାଡର ଆଇଏଏସ୍ ଅଫିସରଙ୍କୁ କେନ୍ଦ୍ର ସରକାର ଗୁରୁତ୍ୱପୂର୍ଣ୍ଣ ଦାୟିତ୍ୱରେ ଅବସ୍ଥାପିତ କରିଛନ୍ତ । ସେମାନେ ହେଉଛନ୍ତି ଉପେନ୍ଦ୍ର ପ୍ରସାଦ ସିଂ ଓ ଜିଭିଭି ଶର୍ମା । କେନ୍ଦ୍ର ଜଳସମ୍ପଦ ସଚିବ ଥିବା ୧୯୮୫ ବ୍ୟାଚର ଆଇଏଏସ୍ ଶ୍ରୀ ସିଂ କେନ୍ଦ୍ର ବୟନ ସଚିବ ଭାବେ ବଦଳି ହୋଇଥିଲାବେଳେ ଜି.ଭି.ଭି ଶର୍ମା ନାସନାଲ ଅଥରିଟି କେମିକାଲ ୱିପନ୍ କନଭେନସନ(ଏନଏସିୱିସି)ର ଅଧ୍ୟକ୍ଷ ଭାବେ ବଦଳି ହୋଇଛନ୍ତି ।
ଏହି ଦୁଇ ଓଡ଼ିଶା କ୍ୟାଡର ଆଇଏଏସଙ୍କ ବ୍ୟତୀତ ଆଉ ଜଣେ ଓଡ଼ିଆ ତଥା ୧୯୮୮ ବ୍ୟାଚ୍ ଗୁଜରାଟ କ୍ୟାଡର
ଆଇଏଏସ୍ ହେଉଛନ୍ତି ବିଦ୍ୟୁତ୍ ବିହାରୀ ସ୍ୱାଇଁ । ତାଙ୍କୁ ଏମଏସଏମଇ ସଚିବ ଭାବେ ବଦଳି କରାଯାଇଛି । ପୂର୍ବରୁ ଏହି ପଦବୀରେ ଆଉ ଜଣେ ଓଡ଼ିଆ ଆଇଏଏସ ସତ୍ୟବ୍ରତ ସାହୁ କାର୍ଯ୍ୟ କରି ବେଶ୍ ସଫଳ ହୋଇଥିଲେ ।
