- ବାଲେଶ୍ୱର,ଭୁବନେଶ୍ୱର// TATKAL ODISHA//
ବାଲେଶ୍ୱରର ବିଶିଷ୍ଟ ଶିଳ୍ପପତି ତଥା ସମାଜସେବୀ ଅମିତ କୁମାର ବେହେରା ଆଉ ଇହ ଜାଗତରେ ନାହାନ୍ତି I ଦୁର୍ଗତିନାଶିନୀ ମା’ ଦୁର୍ଗାଙ୍କ ଷଷ୍ଠି ପୂଜା ଚାଲିଥିଲାବେଳେ ଏଭଳି ଏକ ପବିତ୍ର ଦିନରେ ସେ ସଂସାରର ସବୁ ମୋହ ମାୟା ତୁଟାଇ ଆରପାରିକୁ ଚାଲି ଯାଇଛନ୍ତି I ସ୍ଥାନୀୟ ଆପୋଲୋ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସେ ନିଶ୍ୱାସ ତ୍ୟାଗ କରିଛନ୍ତି।
ମୃତ୍ୟୁ ବେଳକୁ ତାଙ୍କୁ 58 ହୋଇଥିଲା I
ସ୍ବର୍ଗତ ବେହେରା ମୟୁରଭଞ୍ଜ ଜିଲ୍ଲା ମାଣିତ୍ରିର ବିଶିଷ୍ଟ ଶିକ୍ଷକ ଅନ୍ତର୍ଯ୍ୟାମୀ ବେହେରାଙ୍କ ପୁଅ ଏବଂ ପୂର୍ବତନ ପ୍ରଶାସକ ଡ. ଅରବିନ୍ଦ ବେହେରାଙ୍କ ସାନ ଭାଇ I
ବାଲେଶ୍ୱର ଓରିପୋଲ୍ ଇଣ୍ଡଷ୍ଟ୍ରିଜ୍ ପ୍ରା ଲିମିଟେଡ୍ ସେ ପ୍ରତିଷ୍ଠାତା I NOCI-ବାଲେଶ୍ଵର ସୃଷ୍ଟିରେ ତାଙ୍କର ଅବଦାନ ଉଲ୍ଲେଖନୀୟ ଥିଲା |
ମୃତ୍ୟୁ ଖବର ପ୍ରଚାର ହେବା ମାତ୍ରେ ବହୁ ବିଶିଷ୍ଟ ଲୋକ ସ୍ବର୍ଗତ ବେହେରାଙ୍କୁ ଶେଷ ଦର୍ଶନ କରି ଶ୍ରଦ୍ଧାଞ୍ଜଳି ଦେଇଥିଲେ I
ମୃତ୍ୟୁ ଶଯ୍ୟା ନିକଟରେ ତାଙ୍କ ପତ୍ନୀ ଓ ପିଲାମାନେ ଏବଂ ଭାଇ ଅରବିନ୍ଦ ବେହେରା ଓ ଅମୀୟ ବେହେରା, ଭଣଜା ଜେଏସପିଏଲ୍ ଜିଏମ ପୁଲିନ୍ ସାହୁ ପ୍ରମୁଖ ଉପସ୍ଥିତ ଥିଲେ।
