- ଉପକୂଳ ଓଡ଼ିଶାରେ ଅଧିକ ପରିମାଣରେ ବର୍ଷା ହେବ
- ପବନର ବେଗ ବଢ଼ି ଘଣ୍ଟାପ୍ରତି ୮୫ ରୁ୯୦କିମି ଛୁଇଁବ
- ନୂଆଦିଲ୍ଲୀ,ଭୁବନେଶ୍ୱର //TATKAL ODISHA//
ବଙ୍ଗୋପସାଗରରେ ବାତ୍ୟା ଆସୁଥିବା ନେଇ ଯୁକ୍ତରାଷ୍ଟ୍ର ଆମେରିକାର ଜେଟିଡବ୍ଲ୍ୟସି ( US Joint Typhoon Warning Centre) ସତର୍କ ସୂଚନା ଦେଇଛି I
ସେହି ବାତ୍ୟା ‘ଆସାନି’ ମଇ ମାସ ଆଠରେ ଆସିବ ଏବଂ 48 ଘଣ୍ଟା ପରେ ଅର୍ଥାତ ମଇ ଦଶରେ ବାତ୍ୟା ଉପକୂଳ ସ୍ପର୍ଶ ବା ଲ୍ୟାଣ୍ଡଫଲ କରିବ I
JTWC କହିଛି ଯେ, ପବନ ଠାରୁ ଅଧିକ ପରିମାଣରେ ବର୍ଷା ହେବ I ଭାରତର ପୂର୍ବ ଉପକୂଳ ସ୍ପର୍ଶ କରିବାର ଯଥେଷ୍ଟ ସମ୍ଭାବନା ରହିଛି I
ମଇ ୯ରେ ପବନର ବେଗ ଘଣ୍ଟାପ୍ରତି ୬୫ରୁ ୭୫ କିମି ଓ ୧୦ରେ ୭୦ରୁ ୮୦ କିମି ବେଗରେ ପବନ ବୋହିବ I ସମୟେ ସମୟେ ପବନର ବେଗ ବଢ଼ି ଘଣ୍ଟାପ୍ରତି ୮୫ ରୁ ୯୦କିମି ଛୁଇଁବ I
ବାତ୍ୟା ପ୍ରଭାବରେ ଓଡ଼ିଶାରେ ୧୦ରୁ ୪ ଜିଲ୍ଲା ଗଞ୍ଜାମ, ଖୋର୍ଦ୍ଧା, ପୁରୀ ଓ ଜଗତସିଂହପୁରରେ ପବନ ସହ ପ୍ରବଳ ବର୍ଷା ହେବ I
ଉପକୂଳ ଓଡ଼ିଶାରେ ଅନେକ ସ୍ଥାନରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି I କିଛି ଅଞ୍ଚଳରେ ପ୍ରବଳ ବର୍ଷା ହେବ ବୋଲି ଆକଳନ କରାଯାଇଛି I ମତ୍ସ୍ୟଜୀବୀଙ୍କୁ ସମୁଦ୍ରରୁ କୂଳକୁ ଫେରି ଆସିବାକୁ ପରାମର୍ଶ ଦିଆଯାଇଛି I
ଫଳରେ ଓଡ଼ିଶା ସରକାରଙ୍କ ପକ୍ଷରୁ ସତର୍କତାମୂଳକ ପଦକ୍ଷେପ ଗ୍ରହଣ କରାଯିବା ସହ 18 ଜିଲ୍ଲାପାଳଙ୍କୁ ଆଲର୍ଟ କରାଯାଇଛି I
