ଫଳ ଶୂନ : ହିନ୍ଦୋଳରେ କଂଗ୍ରେସ, ଅତାବିରାରେ ବିଜେପି

• ଉଭୟ ଏନଏସି ଆସନ ହାତେଇଛି ଶାସକ ବିଜେଡି

ଢେଙ୍କାନାଳ, ବରଗଡ଼, ଭୁବନେଶ୍ୱର//TATKAL ODISHA//

କଂଗ୍ରେସ ଓ ବିଜେପି ଶାସକ ବିଜେଡି ବିରୋଧରେ ଯେତେ ଚିତ୍କାର କଲେ ବି ଅସଲ ପରୀକ୍ଷା ବେଳେ ଫେଲ ମାରୁଛନ୍ତି I

 ଢ଼େଙ୍କାନାଳ ଜିଲ୍ଲା ହିନ୍ଦୋଳ ଓ ବରଗଡ଼ ଜିଲ୍ଲା ଅତାବିରା ଏନଏସି ପ୍ରକାଶ ପାଇଥିବା ନିର୍ବାଚନ ଫଳ ତାହା ଦେଖିବାକୁ ମିଳିଛି । ତେବେ ଅତାବିରାରେ ବିଜେପି ଫଳ  ‘ଶୂନ’  ଥିବାବେଳେ ହିନ୍ଦୋଳରେ କଂଗ୍ରେସର ଫଳ ଶୂନ ହୋଇଛି I

 ରାଜ୍ୟ ନିର୍ବାଚନ କମିଶନ ପକ୍ଷରୁ ମିଳିଥିବା ତଥ୍ୟାନୁସାରେ ଅତାବିରା ଏନଏସିରେ ମୋଟ ୧୨ଟି ୱାର୍ଡରୁ ୧୧ଟିରେ ବିଜେଡି ପ୍ରାର୍ଥୀ ବିଜୟୀ ହୋଇଥିବା ବେଳେ ଗୋଟିଏ ୱାର୍ଡ କଂଗ୍ରେସ ହାତକୁ ଯାଇଛି ।  ବିଜେପି ଏଠି ଖାତା ଖୋଲିପାରିନାହିଁ ।

 ହିନ୍ଦୋଳ ଏନଏସିରେ ସେମିତି ୧୬ଟି ୱାର୍ଡରୁ ୧୧ ୱାର୍ଡରେ ବିଜେଡି ପ୍ରାର୍ଥୀ ବିଜୟୀ ହୋଇଥିବା ବେଳେ ୫ଟି ୱାର୍ଡରେ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି । କଂଗ୍ରେସ ଖାତା ଖୋଲି ପାରି ନାହିଁ I