ନୂଆଦିଲ୍ଲୀ, ଭୁବନେଶ୍ୱର//TATKAL ODISHA//
ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଦେଶର ଦ୍ୱିତୀୟ ‘ଲୋକପ୍ରିୟ ମୁଖ୍ୟମନ୍ତ୍ରୀ’ ହେବାର ଗୌରବ ଲାଭ କରିଛନ୍ତି I ତାମିଲନାଡୁ ମୁଖ୍ୟମନ୍ତ୍ରୀ ଏମ୍ କେ ଷ୍ଟାଲିନ ୪୨ ପ୍ରତିଶତ ଭୋଟ ସହିତ ସର୍ବାଗ୍ରେ ଥିବାବେଳେ ନବୀନ ଦ୍ଵିତୀୟ ସ୍ଥାନରେ ରହି ୩୮ ପ୍ରତିଶତ ଭୋଟ ପାଇଛନ୍ତି ।
ଇଣ୍ଡିଆ ଟୁଡେ ଗ୍ରୁପ ପକ୍ଷରୁ କାର୍ଭି ଇନସାଇଟସ ଦ୍ୱାରା ସର୍ବେକ୍ଷଣ ହୋଇଥିଲା । ଜୁଲାଇ ୧୦ରୁ ଜୁଲାଇ ୨୦ ୨୦୨୧ ହୋଇଥିବା ସର୍ବେକ୍ଷଣରେ ୪୨ ପ୍ରତିଶତ ସହିତ ଷ୍ଟାଲିନ ପ୍ରଥମ ସ୍ଥାନରେ ରହିଥିବାବେଳେ ନବୀନ ପଟ୍ଟନାୟକ ୩୮ ପ୍ରତିଶତ ଭୋଟ ସହିତ ଦ୍ୱିତୀୟରେ ରହିଛନ୍ତି । ପିନରାୟୀ ବିଜୟନ(୩୫), ଉଦ୍ଧବ ଠାକରେ(୩୧), ମମତା ବାନାର୍ଜୀ(୩୦), ହିମନ୍ତ ବିଶ୍ୱ ଶର୍ମା(୨୯), ଯୋଗୀ ଆଦିତ୍ୟନାଥ(୨୯), ଅଶୋକ ଗେହଲଟ(୨୨), ଅରବିନ୍ଦ କେଜ୍ରିୱାଲ(୨୨) ହେମନ୍ତ ସୋରେନ୍(୧୯) ଓ ଭୂପେଷ ବାଘେଲ ୧୯ ପ୍ରତିଶତ ଭୋଟ ସହିତ ୩ୟରୁ ୧୦ମ ସ୍ଥାନରେ ରହିଛନ୍ତି ।
ହେଲେ ଟପ୍ ଟେନ୍ ମଧ୍ୟରେ ମାତ୍ର ଦୁଇଜଣ ବିଜେପି ଶାସିତ ମୁଖ୍ୟମନ୍ତ୍ରୀ ଥିବାବେଳେ ୩ ଜଣ କଂଗ୍ରେସ ଶାସିତ ମୁଖ୍ୟମନ୍ତ୍ରୀ ରହିଛନ୍ତି ।
