- ଏବେ ପବନ କମ, ବର୍ଷା ବେଶୀ
- ବାତ୍ୟା ଉତ୍ତର ପଶ୍ଚିମ ମୁହାଁ
ପୁରୀ,ଭୁବନେଶ୍ୱର//TATKAL ODISHA//
ବାତ୍ୟା ‘ଜୱାଦ’ ସ୍ଥଳଭାଗ ମୁହାଁ ହେଉଥିଲେ ହେଁ କ୍ରମଶଃ ଦୁର୍ବଳ ହେବାରେ ଲାଗିଛି I ତାହା ରବିବାର ସନ୍ଧ୍ୟା ସୁଦ୍ଧା ସମ୍ପୂର୍ଣ ଦୁର୍ବଳ ହୋଇଯିବ I
* ତେବେ ଏସବୁ ସମ୍ଭବ ହେଲା କିପରି?
* ଜଗା କିଛି ଖେଳ କଲା କି??
* ଶ୍ରୀକ୍ଷେତ୍ରର ନୀଳଗିରିରେ ବିଜେ କରିଥିବା ମହାପ୍ରଭୁ ଶ୍ରୀଜଗନ୍ନାଥଙ୍କ ପ୍ରଚ୍ଛନ୍ନ ହାତ ଯୋଗୁଁ ଭୟଙ୍କର ରୂପ ନେଇ ଆସୁଥିବା ବାତ୍ୟା “ଜୱାଦ” ସମୁଦ୍ରରେ ଲୀନ ହୋଇ ଯାଉଛି ବୋଲି ଭକ୍ତଙ୍କ ମହଲରେ ଖୁବ ଚର୍ଚ୍ଚା ହେଉଛି I
ଏହାକୁ ନେଇ ଜଗନ୍ନାଥଙ୍କ ଏକ “କାର୍ଟୁନ” ଭାଇରଲ ହୋଇଛି I ମହାପ୍ରଭୁ ସମୁଦ୍ର ତଟରେ କୁନି ଭକ୍ତ ସହ ଛିଡ଼ା ହୋଇ ବାତ୍ୟା ଜୱାଦକୁ ହାତ ଦେଖାଇ ରୋକୋ ଥିବାର ଦେଖାଯାଇଛି I
IMD ରିପୋର୍ଟ କଣ ରହିଛି??
ରବିବାର ମଧ୍ୟାହ୍ନ ସୁଦ୍ଧା ପୁରୀ ନିକଟରେ ବାତ୍ୟା ସ୍ଥଳଭାଗ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ ସ୍ପଷ୍ଟ କରିଛି । ବାତ୍ୟା ଏବେ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରୁ ଘଣ୍ଟା ପ୍ରତି ୪ କିମି ବେଗରେ ଉତର-ଉତରପଶ୍ଚିମ ଦିଗରେ ଗତି କରୁଛି । ସ୍ଥଳଭାଗ ଛୁଇଁବା ବେଳକୁ ଦୁର୍ବଳ ହୋଇସାରିଥିବ I
ଶନିବାର IMD ମହାନିର୍ଦ୍ଧେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ‘ଜୱାଦ’ ଆନ୍ଧ୍ରପ୍ରଦେଶ ବିଶାଖାପାଟଣାଠାରୁ ଦକ୍ଷିଣପୂର୍ବ ଦିଗର ୨୩୦ କିମି ଦୂରରେ ରହିଥିବା ବେଳେ ଗୋପାଳପୁରଠାରୁ ଦକ୍ଷିଣରେ ୩୪୦ କିଲୋମିଟରରେ ଏବଂ ପୁରୀଠାରୁ ୪୧୦ କିଲୋମିଟର ଦୂର ଦକ୍ଷିଣ-ଦକ୍ଷିଣ ପଶ୍ଚିମ ଦିଗରେ ରହିଛି । ପାରାଦୀପଠାରୁ ବି ଏହା ଦକ୍ଷିଣ-ଦକ୍ଷିଣ ପଶ୍ଚିମ ଦିଗରେ ୪୯୦ କିମି ଦୂରରେ ଥିବା ଜଣାପଡିଛି ।
