- ଭୁବନେଶ୍ୱର//TATKAL ODISHA//
ପୁରୁଣା ଭୁବନେଶ୍ୱରରେ ବିଶିଷ୍ଟ ସମାଜସେବୀ, ରାଜନେତା ତଥା ବ୍ୟବସାୟୀ ପ୍ରଶାନ୍ତ ମହାପାତ୍ର ଆଉ ଇହ ଜଗତରେ ନାହାନ୍ତି I ମୃତ୍ୟୁ ବେଳକୁ ତାଙ୍କୁ 63 ବର୍ଷ ହୋଇଥିଲା I
ସ୍ବର୍ଗତ ମହାପାତ୍ର ବିଜୁବାବୁଙ୍କର ଥିଲେ ଅନ୍ୟତମ ପଟ୍ଟଶିଷ୍ୟ I ଏକଦା ବିଜୁବାବୁ ତାଙ୍କୁ ‘ପୁଅ’ ବୋଲି ସମ୍ବୋଧନ କରୁଥିଲେ I ବିଜୁବାବୁ ତାଙ୍କୁ ଏକ ନିଗମରେ ଅଧ୍ୟକ୍ଷ ବି କରିଥିଲେ I ବିଜୁବାବୁଙ୍କ ଦେହାନ୍ତ ପରେ ସେ ପ୍ରତ୍ୟେକ୍ଷ ରାଜନୀତି ନ କରି ସମାଜ ସେବା ଓ ବ୍ୟବସାୟ ଉପରେ ନିମଗ୍ନ ଥିଲେ I
ହେଲେ ତାଙ୍କ ଆଦର୍ଶରେ ଅନୁପ୍ରାଣିତ ହୋଇ ସହଧର୍ମିଣୀ ରଶ୍ମୀ ମହାପାତ୍ର ରାଜନୀତିରେ ସକ୍ରିୟ ଅଛନ୍ତି I
ରବିବାର ପ୍ରଶାନ୍ତ ବାବୁଙ୍କ ମୃତ୍ୟୁ ଖବର ପ୍ରଚାର ହେବା ମାତ୍ରେ ତାଙ୍କ କୋଟୀତୀର୍ଥ ଲେନରେ ଥିବା ବାସ ଭବନରେ ବହୁ ବିଶିଷ୍ଟ ଲୋକ ଲୁଣ୍ଡ ହୋଇ ଶେଷ ଦର୍ଶନ କରିଥିଲେ ଏବଂ ଶୋକ ପ୍ରକାଶ ସହ ଶ୍ରଦ୍ଧାଞ୍ଜଳି ଜ୍ଞାପନ ବି କରିଥିଲେ I
