- ରାଷ୍ଟ୍ରପତି ନିର୍ବାଚନରେ ଦ୍ରୌପଦୀଙ୍କୁ ସମର୍ଥନ ପାଇଁ ମୁଖ୍ୟମନ୍ତ୍ରୀଙ୍କ ପୁଣି ନିବେଦନ
- ପିସିସି ସଭାପତି କହିଲେ, ଆମ ଆଭିମୁଖ୍ୟ ସ୍ପଷ୍ଟ କରିଛୁ
ଭୁବନେଶ୍ୱର//TATKAL ODISHA//
ଓଡ଼ିଆ ଝିଅ ତଥା ଓଡ଼ିଶାର ବିଶିଷ୍ଟ ନାରୀନେତ୍ରୀ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ନିର୍ବାଚନରେ ସମର୍ଥନ ଦେବାପାଇଁ ରାଜ୍ୟର ସମସ୍ତ ବିଧାୟକ, ସାଂସଦଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିବେଦନ କରିଛନ୍ତି |
ଏହି ମର୍ମରେ ମୁଖ୍ୟମନ୍ତ୍ରୀ’ଙ୍କ ନିର୍ଦେଶ କ୍ରମେ ଦଳର ପିସିସି ସଭାପତି ଶରତ ପଟ୍ଟନାୟକଙ୍କୁ ଭେଟିଥିଲେ..
- ସଙ୍ଗଠନ ସମ୍ପାଦକ ପ୍ରଣବ ପ୍ରକାଶ ଦାସ,
- ମନ୍ତ୍ରୀ ଅତନୁ ସବ୍ୟସାଚୀ ନାୟକ
- ପୂର୍ବତନ ମନ୍ତ୍ରୀ ସୁଶାନ୍ତ ସିଂ
କଂଗ୍ରେସ ଦଳର ସମସ୍ତ ବିଧାୟକ ଶ୍ରୀମତୀ ମୁର୍ମୁଙ୍କୁ ସମର୍ଥନ ଦେବାକୁ ‘ଟିମ ନବୀନ’ ଶରତ ବାବୁଙ୍କୁ ଅନୁରୋଧ କରିଛନ୍ତି |
ହେଲେ ଶ୍ରୀ ପଟ୍ଟନାୟକ କହିଥିଲେ, ବିଜେଡି ତାଙ୍କ ଆଭିମୁଖ୍ୟ କଥା କହିଛି I ଆମ ଦଳ ପୂର୍ବରୁ ତାର ଆଭିମୁଖ୍ୟ ସ୍ପଷ୍ଟ କରି ସାରିଛି I ତେଣୁ ଏବର ସ୍ଥିତି ଅନୁସାରେ ନିଷ୍ପତ୍ତି ନିଆଯିବ ଖୁବଶୀଘ୍ର I
ପୂର୍ବରୁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଦ୍ରୌପଦୀଙ୍କୁ ସମର୍ଥନ ନେଇ ଘୋଷଣା କରିଥିଲେ I ଏପରିକି ଶ୍ରୀମତୀ ମୁର୍ମୁଙ୍କ ପ୍ରାର୍ଥୀ ପତ୍ର ଦାଖଲ ବେଳେ ବିଜେଡି ସରକାରର ଦୁଇ କ୍ୟାବିନେଟ ମନ୍ତ୍ରୀ ଉପସ୍ଥିତ ସହ ନାମାଙ୍କନରେ ଦସ୍ତଖତ କରିଥିଲେ I
ପରେ ଅନ୍ୟ ଦଳର ସାଂସଦ ଓ ବିଧାୟକଙ୍କୁ ଓଡ଼ିଆ ଝିଅ ଦ୍ରୌପଦୀଙ୍କୁ ଭୋଟ ଦେବାକୁ ଅପିଲ କରିଥିଲେ I ଏବେ ପୁଣି ଦୋହରାଇଛନ୍ତି ଇ
