- ଭୁବନେଶ୍ୱର, ପୂରୀ // TATKAL ODISHA//
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ ସଭାନେତ୍ରୀ ମମତା ବାନାର୍ଜୀ ଭୁବନେଶ୍ୱରରେ ପହଞ୍ଚିଛନ୍ତି I ୩ ଦିନିଆ ଓଡ଼ିଶା ଗସ୍ତରେ ସେ ଆସିଛନ୍ତି I
ମମତା ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ସ୍ବାଗତ କରିଛନ୍ତି ଗୃହ ରାଷ୍ଟ୍ରମନ୍ତ୍ରୀ ତୁଷାରକାନ୍ତି ବେହେରା I ବିମାନବନ୍ଦରରୁ ସୁଶ୍ରୀ ବାନାର୍ଜୀ ସଡ଼କ ପଥ ଦେଇ ମମତାଙ୍କ ପୁରୀ ଅଭିମୁଖେ ଯାତ୍ରା କରିଛନ୍ତି I ସେଠାରେ ସେ ଅବସ୍ଥାନ କରିବେ I ବୁଧବାର
ସେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରି ପୂଜାର୍ଚ୍ଚନା କରିବେ I ଏହାପରେ ଶ୍ରୀକ୍ଷେତ୍ର ପୁରୀରେ “ବଙ୍ଗଳା ଭବନ” ପାଇଁ ଭିତ୍ତିପ୍ରସ୍ତର ସ୍ଥାପନ କରିବେ I
ପୁରୀରୁ ମମତା ଫେରି ଭୁବନେଶ୍ୱରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବାର କାର୍ଯ୍ୟକ୍ରମ ରହିଛି I ତେବେ ଆଲୋଚନାର ପ୍ରସଙ୍ଗ କଣ ହେବ ସ୍ପଷ୍ଟ ହୋଇ ନାହିଁ I ମିଳିଥିବା ସୂଚନାନୁସାରେ ତୃତୀୟ ମେଣ୍ଟ ନେଇ ଦୁଇ ନେତାଙ୍କ ମଧ୍ୟରେ ଆଲୋଚନା ହେବ ବୋଲି ଜଣାପଡ଼ିଛି I ଏଥିପାଇଁ ରାଜନୀତି ଜୋର ଧରିଛି I
