ଭୁବନେଶ୍ୱର//TATKAL ODISHA//
ବିଶିଷ୍ଟ ନାଟ୍ୟ ନିର୍ଦେଶକ, ଅଭିନେତା ତଥା ଭୁବନେଶ୍ୱର ଦୂରଦର୍ଶନ କେନ୍ଦ୍ରର ପୂର୍ବତନ ସହକାରୀ କେନ୍ଦ୍ର ନିର୍ଦେଶକ ତାପସ କୁମାର ବୋଷ ଆଉ ଇହ ଜଗତରେ ନାହାନ୍ତି I ତାଙ୍କର ହୃଦଘାତ ଯୋଗୁଁ ମୃତ୍ୟୁ ହୋଇଥିବା ଜଣାପଡ଼ିଛି I
କିଛି ମାସ ହେଲା ସ୍ବର୍ଗତ ବୋଷ ବେଙ୍ଗାଲୁରୁରେ ନିଜ ଝିଅଙ୍କ ପାଖରେ ଅବସ୍ଥାନ କରୁଥିଲେ I ସେଠାରେ ତାଙ୍କର ଦେହାନ୍ତ ହୋଇଛି I
ମୃତ୍ୟୁ ବେଳକୁ ତାଙ୍କୁ ପ୍ରାୟ 67 ବର୍ଷ ହୋଇଥିଲା I
ପ୍ରାୟ ଦୁଇ ବର୍ଷ ପୂର୍ବରୁ ତାଙ୍କ ପତ୍ନୀଙ୍କର ମୃତ୍ୟୁ ହୋଇଥିଲା I ସେ ପ୍ରତିଦିନ ଫେସବୁକରେ ପତ୍ନୀଙ୍କର କିଛି ଫଟୋ ସେୟାର କରି ସ୍ମୃତି ଚାରଣ କରୁଥିଲେ I
ସ୍ବର୍ଗତ ବୋଷଙ୍କ ମୃତ୍ୟୁ ଖବର ପ୍ରଚାର ହେବା ମାତ୍ରେ ଦୂରଦର୍ଶନ କେନ୍ଦ୍ରର ପୂର୍ବତନ ଓ ବର୍ତ୍ତମାନର କର୍ମଚାରୀମାନେ ଶୋକ ପ୍ରକାଶ କରିଵା ସହ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି I Tatkal odisha ପକ୍ଷରୁ ବି ଶୋକ ପ୍ରକାଶ କରାଯାଇଛି I
ଉଲ୍ଲେଖଯୋଗ୍ୟ ଯେ, ସ୍ବର୍ଗତ ତାପସ ବୋଷ ଥିଲେ ବାର୍ଷିଆନ ଅଭିନେତା ଦେବୁ ବୋଷଙ୍କ ସାନ ଭାଇ I
