ଭୁବନେଶ୍ୱର//TATKAL ODISHA//
ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନକ୍ରମେ ୬ ଜିଲ୍ଲାର ବିଜେଡି ସଭାପତି ଓ ୩ ଜିଲ୍ଲାର କାର୍ଯ୍ୟକାରୀ ସଭାପତି ନୂଆ ନିଯୁକ୍ତି ପାଇଛନ୍ତି ।
ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ପ୍ରକାଶିତ ବିଜ୍ଞପ୍ତି ଅନୁସାରେ ଢେଙ୍କାନାଳ ଜିଲ୍ଲାର ବିଜେଡି ସଭାପତି ହୋଇଛନ୍ତି ନୃସିଂହ ଚରଣ ସାହୁ ହୋଇଥିବାବେଳେ ସେହି ଜିଲ୍ଲାରେ କାର୍ଯ୍ୟକାରୀ ସଭାପତି ଭାବେ ଦେବୀ ପ୍ରସାଦ ଭୁତିଆ ନିଯୁକ୍ତ ହୋଇଛନ୍ତି । ବାଲେଶ୍ୱର ଜିଲ୍ଲାର ଅଶ୍ୱିନୀ କୁମାର ପାତ୍ର ବିଜେଡି ଜିଲ୍ଲା ସଭାପତି ଭାବେ ନିଯୁକ୍ତ ହୋଇଥିବାବେଳେ କେହି କାର୍ଯ୍ୟକାରୀ ସଭାପତି ନିଯୁକ୍ତି ପାଇନାହାନ୍ତି ।
ଅନ୍ୟପକ୍ଷରେ କୋରାପୁଟ ଜିଲ୍ଲା ବିଜେଡି ସଭାପତି ଭାବେ ଝିହ୍ନ ହିକକା ନିଯୁକ୍ତି ପାଇଥିବାବେଳେ କାର୍ଯ୍ୟକାରୀ ସଭାପତି ଭାବେ ପ୍ରଶାନ୍ତ ଗୁପ୍ତା ନିଯୁକ୍ତି ପାଇଛନ୍ତି । ବରଗଡ଼ ଜିଲ୍ଲା ପାଇଁ ପ୍ରଭାସ କୁମାର ସିଂ ଜିଲ୍ଲା ସଭାପତି ଭାବେ ନିଯୁକ୍ତି ପାଇଥିବାବେଳେ ସୁଶାନ୍ତ ମହାପାତ୍ର କାର୍ଯ୍ୟକାରୀ ସଭାପତି ଭାବେ ନୁଯୁକ୍ତ ହୋଇଛନ୍ତି । ଝାରସୁଗୁଡ଼ା ଜିଲ୍ଲା ସଭାପତି ରବି ସିଂ ହୋଇଥିବାବେଳେ ରାଉରକେଲା ସାଂଗଠନିକ ଜିଲ୍ଲା ସଭାପତି ହୋଇଛନ୍ତି ହାଲୁ ମୁଣ୍ଡାରୀ ।
